បើមិនចង់កើតជំងឺមហារីកទៅថ្ងៃក្រោយ កុំឧស្សាហ៍ញ៉ាំមីឆាលតឆាច្រើនពេក

2018-04-30 06:00:00
ចំនួនមតិ 0 | ចំនួនចែករំលែក 0

មីឆាលតឆា ជាអាហារពេញនិយមសម្រាប់មនុស្សគ្រប់វណ្ណៈ និងគ្រប់វ័យ មិនថាចាស់ឬក្មេងឡើយ។ ព្រោះអាហារនេះមានរសជាតិឆ្ងាញ់ រហ័ស តម្លៃសមរម្យ ជាពិសេសងាយស្រួលរកទិញដោយមានលក់ស្ទើរគ្រប់ទីកន្លែង។ ប៉ុន្តែការញ៉ាំមីឆាលតឆានេះញឹកញាប់ពេកអាចបណ្ដាលឲ្យគ្រោះថ្នាក់ដល់សុខភាពខ្លាំង ហើយក៏ជាកត្តាធំមួយដែលបង្កជំងឺមហារីកទៅថ្ងៃមុខ និងជំងឺច្រើនមុខផ្សេងទៀត។

យោងតាមការពន្យល់របស់ វេជ្ជបណ្ឌិត ផ្នែកទូទៅ លី ឬទ្ធីគុណ និងម្ចាស់សេវាកម្មថែទាំមនុស្សចាស់តាមគេហដ្ឋានបានពន្យល់ថា៖ ជាទូរទៅអាហារមានផ្សែងដូចជាអាហារអាំងជាដើមមិនគួរបរិភោគញឹកញាប់ទេ។ ព្រោះផ្សែងនិងកម្ទេចខ្មៅតូចៗជាប់និងអាហារអាំងគឺគ្រោះថ្នាក់ណាស់ចំពោះសុខភាពដោយអាចបង្កមហារីកបាន។ មិនខុសគ្នាពីមីឆាលតឆានោះទេ ខ្ទះក្ដៅដែលឆាមីឬលត ដដែលៗច្រើនដងជាកត្តាចម្បងដែលបណ្ដាលឲ្យកើតមហារីក។ ព្រោះជាតិកាបោនដែលចេញពីខ្ទះឆាលើភ្លើងក្ដៅ ដែលឆាច្រំដែលច្រើនដង មិនបានលាងសម្អាត និងកម្ទេចខ្លោចតូចៗខ្មៅៗ ជាមូលហេតុដែលអ្នកមិនគួរបរិភោគញឹកញាប់ឡើយ។

ដោយសារតែមានភាគរយខ្ពស់បណ្ដាលឲ្យកើតមហារីក។ ដូច្នេះការបរិភោគតាមរបបអាហារដែលសុវត្ថិភាពគឺត្រឹមពីរដងក្នុងមួយសប្ដាហ៍ ឬជៀសវាងការញ៉ាំក្រៅ ហើយចម្អិនដោយខ្លួនឯងនៅផ្ទះគឺអាចកាត់បន្ថយហានិភ័យបានច្រើន។

រូបថតផ្តល់ដោយ៖ Layhouy Keo

ចុចអាន៖អាហារ ៤យ៉ាងជួយឲ្យកូនៗមានខួរក្បាលល្អ និងឆ្លាតវៃដែលឪពុកម្ដាយគ្រប់រូបមិនគួរមើលរំលង

អត្ថបទ៖ Pencharm

រូបថតផ្តល់ដោយ៖ Layhouy Keo