តារាចម្រៀងប្រុសល្បីលេខ១វៀតណាមបដិសេធតំណែងតួឯករឿង "ម្ចាស់ព្រះអាទិត្យ"

2018-04-30 03:29:25
ចំនួនមតិ 0 | ចំនួនចែករំលែក 0

អ្នកដឹកនាំរឿងភាគ "Descendants of the Sun” របស់វៀតណាមបានឲ្យដឹងថាខ្លួនកំពុងជួបផលពិបាកក្នុងការជ្រើសរើសតួនៅពេលតារាចម្រៀងល្បីឈ្មោះ Son Tung MTP បដិសេធតំណែងតួឯកដែលលោកផ្ដល់ឲ្យ។

កាលពីថ្ងៃទី១៣ខែមេសាកន្លងទៅនេះ បណ្ដាញព័ត៌មានវៀតណាមបានចុះផ្សាយពីក្រុមហ៊ុនមួយក្នុងប្រទេសបានទិញសិទ្ធិដើម្បីផលិតរឿង "ម្ចាស់ព្រះអាទិត្យ" ឡើងវិញបានសម្រេច។ បន្ទាប់មក អ្នកដឹកនាំរឿង Tran Buu Loc បានឲ្យដឹងថាជម្រើសទី១របស់លោកសម្រាប់តំណែងតួឯកប្រុសគឺ តារាចម្រៀងល្បីលេខ១ប្រចាំប្រទេស MTP។

យ៉ាងណាក្ដី ប្រុសស្អាតវ័យ២៣ឆ្នាំរូបនេះ មិនបានទទួលយកសំណើខាងលើឡើយ ព្រោះគិតថាខ្លួនមិនសមនឹងតួអង្គខាងលើ។ ក្រោយពេលត្រូវបដិសេធបែបនេះ អ្នកដឹកនាំខាងលើមិនទាន់បង្ហើបពីជម្រើសទី២របស់ខ្លួននៅឡើយទេ ព្រោះរកមិនទាន់ឃើញ។

គួរបញ្ជាក់ផងដែរថា MTP គឺជាតារាចម្រៀងយុវវ័យល្បីឈ្មោះរបស់វៀតណាម។ តារាកើតឆ្នាំ១៩៩៤ មានអ្នកគាំទ្រ១០លាននាក់លើបណ្ដាញសង្គម Facebook និង២លាននាក់លើ Instagram។ លោកក៏ជាតារាចម្រៀងទោលទី១ដែលមានវីដេអូ Youtube មានចំនួនអ្នកមើលជាង១០០លានដងផងដែរ៕