លម្អិតរឿងថែទាំក្មេងបែប Montessori ជួយឲ្យក្មេងធំឡើងឆ្លាតស្ទើររកលេខដាក់គ្មាន
- 2018-04-26 08:23:46
- ចំនួនមតិ 0 | ចំនួនចែករំលែក 0
លម្អិតរឿងថែទាំក្មេងបែប Montessori ជួយឲ្យក្មេងធំឡើងឆ្លាតស្ទើររកលេខដាក់គ្មាន
ពាក្យ «Montessori» អាចថាឪពុកម្ដាយសម័យមួយចំនួនមិនធ្លាប់ឮ តែពាក្យនេះល្បីល្បាញ និងគេស្គាល់ខ្លាំងនៅតាមប្រទេសធំៗ អាមេរិក អ៊ីតាលី កាណាដា អង់គ្លេស ជាដើម ព្រោះវាជាវិធីសាស្ត្របង្រៀនក្មេងតូចៗដ៏ពេញនិយមលើពិភពលោកដែលគេជឿថាជួយឲ្យក្មេងរីកចម្រើនផ្នែកបញ្ញាស្មារតី (ឆ្លាត) អត្តចរិត ទំនាក់ទំនង និងភាពឯករាជ្យ។
វិធីសាស្ត្របង្រៀនបែប Montessori ដែលបច្ចុប្បន្នត្រូវគេយកប្រើតាំងពីថ្នាក់ Daycare (ថ្នាក់មើលថែក្មេងតូច) នោះ ត្រូវបានបង្កើតឡើងប្រមាណជាង ១០០ ឆ្នាំមកហើយ ដោយជនជាតិអ៊ីតាលី Maria Montessori ដែលជាគ្រូពេទ្យផង គ្រូបង្រៀនផង បន្ទាប់ពីលោកស្រីបានសិក្សាស្រាវជ្រាវ និងសង្កេតពីដំណាក់កាលលូតលាស់ និងការរៀនសូត្ររបស់ក្មេងដែលប្រែប្រួលតាមអាយុ។
វិធីសាស្ត្របង្រៀននេះ អនុញ្ញាតឲ្យក្មេងប្រើញាណ ឬការគិតក្នុងការសាកល្បង (experience) ដោះស្រាយបញ្ហាដោយខ្លួនឯង (explore) និងជួយឲ្យក្មេងកាន់តែឯករាជ្យដោយខ្លួនឯង មិនពឹងពាក់ ឬខ្លាចអ្នកដទៃ ខណៈដែលចំណុចពិសេសដែលអាចជំរុញឲ្យក្មេងអាចលូតលាស់តាមនេះបាន គឺឧបករណ៍ក្មេងលេង (educational toys) និងបរិស្ថានរបស់សាលារៀន។ ឯគ្រូបង្រៀន គ្រាន់តែជាអ្នកបង្ហាត់បង្ហាញចង្អុលទិសដៅប៉ុណ្ណោះ។
***ហេតុអ្វីការថែទាំក្មេងបែប Montessori ល្អខ្លាំងសម្រាប់ក្មេងតូចៗ?***
ក្មេងអាយុក្រោម ៣ ឆ្នាំ មិនត្រូវការមេរៀនផ្លូវការអីនោះទេ ពោលគឺរៀនតាមរយៈបរិស្ថានជុំវិញ ដោយសាកល្បង (ប៉ះ) និងប្រើញាណរបស់ពួកគេ។ ឧទាហរណ៍ ក្មេងក្រោម ១ ឆ្នាំ រៀនដោយប្រើមាត់របស់ពួកគេ។ គេចង់ដាក់អ្វីៗគ្រប់យ៉ាងដែលគេឃើញ និងប៉ះដាក់ចូលមាត់ ហើយពួកគេនឹងដឹងថា របស់នោះរឹង ទន់ រាងយ៉ាងម៉េច ទំហំប៉ុណ្ណា ក្ដៅ ត្រជាក់ រលោង ឬគ្រើម -ល-។
អ្នកស្រី Ali Copple នាយិកាសាលា Forest Hill International School បានប្រាប់ Sabay ថា ក្មេងតូចមានការអភិវឌ្ឍ ឬលូតលាស់ខួរក្បាល ចង់ដឹងចង់ឮ តាមដំណាក់កាលរបស់ពួកគេ ហើយពួកគេមានពេលវេលាពិសេសរបស់ខ្លួន (អាយុ) ក្នុងការរៀនអ្វីមួយបានស្រួល ហើយលឿន ជាងពេលណាៗទាំងអស់។ បើសិនក្មេងអាក់ខានមិនបានរៀនពីជំនាញដែលពួកគេចង់ដឹងចង់ឮនោះទេ ពួកគេនឹងបាត់បង់ជំនាញពិសេសរបស់ខ្លួន និងការចាប់អារម្មណ៍លើជំនាញដដែលនោះ ព្រមទាំងមានអារម្មណ៍ពិបាករៀនជំនាញនោះនៅពេលក្រោយទៀតផង។
អត្ថបទពាក់ព័ន្ធ៖ អាមេរិក៖ ឲ្យក្មេងរៀនតាំងពី Preschool ក្មេងកាន់តែឆ្លាត និងជោគជ័យខ្ពស់ ពេលធំឡើង
អ្នកជំនាញផ្នែកអប់រំជនជាតិអាមេរិករូបនេះ បញ្ជាក់ថា វាជារឿងសំខាន់ណាស់ដែលឪពុកម្ដាយ ឬអ្នកមើលក្មេង ត្រូវដឹងឲ្យច្បាស់ នៅពេលណាក្មេងចូលចិត្តរៀនធ្វើអ្វី ហើយជួយជំរុញ និងលើកទឹកចិត្តនៅពេលនោះ។ បើសិនជាអាក់ខាន ក្មេងអាចមានភាពរអាក់រអួលលើការលូតលាស់ផ្នែកគិត និងភាពឯករាជ្យរបស់ពួកគេ។
សាលាណាខ្លះនៅកម្ពុជា មានសេវាមើលថែក្មេងបែប Montessori ?
មានសាលាតិចតួចមែនទែន ដែលប្រើប្រព័ន្ធអប់រំបែប Montessori តែប្រព័ន្ធនេះច្បាស់ណាស់មានប្រើនៅសាលា Forest Hill International School ដែលជាសាលាដំបូងគេបង្អស់នៅកម្ពុជា ដែលមានសេវាថែទាំក្មេងតូចបែប Montessori (Montessori Daycare)។ សាលានេះមានលក្ខណៈពិសេសសំខាន់ៗជួយដល់ការលូតលាស់ក្មេងដូចជា៖
សាលាអន្តរជាតិ Forest Hill មានកម្មវិធីសិក្សាចំនួន៣ គឺ (១) ការថែទាំក្មេងបែប Montessori ចាប់ពីអាយុ ៣ ខែ - ៣ ឆ្នាំ, (២) មត្តេយ្យសិក្សា អាយុ ៣ ឆ្នាំ- ៦ ឆ្នាំ និងចុងក្រោយ គឺកម្មវិធីបឋមសិក្សា។
ការចុះឈ្មោះចាប់ផ្ដើមពីថ្ងៃនេះតទៅ និងទទួលបានការបញ្ចុះតម្លៃ ២០% លើតម្លៃសិក្សា ពេលចុះឈ្មោះ សម្រាប់ថ្នាក់មត្ដេយ្យសិក្សា និងបឋមសិក្សា។ សម្រាប់ព័ត៌មានបន្ថែម សូមទាក់ទង៖