ទម្រាំបានរាងដូចរាល់ថ្ងៃ Kimberly វិះស្លាប់ម្ដងដោយសារវិធីសម្រកទម្ងន់មួយនេះ

2018-04-24 04:30:35
ចំនួនមតិ 0 | ចំនួនចែករំលែក 0

មុនទទួលបានរូបរាងស្លីមស្អាតដូចបច្ចុប្បន្ននេះ តារាសម្ដែងស្រីជួរមុខរបស់ប៉ុស្តិ៍លេខ ៣ថៃ Kimberly ធ្លាប់ឆ្លងកាត់ឧបសគ្គច្រើនមិនធម្មតាទេ ជាពិសេសនៅពេលមួយដែលនាងរូបរាងធាត់ ដុះក្បាលពោះ និងមានទម្ងន់រហូតដល់ ៧០គីឡូក្រាម។

កាលពីពេលថ្មីៗ តួឯកស្រីរូបនេះបាននិយាយក្នុងកម្មវិធីមួយថា កាលនៅក្មេងនាងធ្លាប់ស្រ្តេសខ្លាំង ដោយចង់ស្គម ទើបលង់ជឿការឃោសនាផលិតផលខុស។ Kimberly បានឲ្យដឹងថា កាលនោះនាងបានញ៉ាំថ្នាំសម្រកទម្ងន់ដែលធ្វើឲ្យនាងមិនឃ្លាន និងធ្វើឲ្យបន្ទោបង់ញឹក។ ប៉ុន្តែលទ្ធផលដែលទទួលបាននោះ គឺនាងស្ទើរតែអស់ជីវិត ដោយសារខ្លួនមានអាការរមួលក្រពើ និងបន្ទោបង់ពេញមួយថ្ងៃ រហូតដល់សន្លប់បាត់ស្មារតីក្នុងបន្ទប់ទឹក។ ទីបំផុតឪពុករបស់នាងត្រូវទម្លាយទ្វារចូលដើម្បីជួយនាំនាងទៅមន្ទីរពេទ្យ។ ក្រោយហេតុការណ៍នោះ នាងបានឈប់លេបថ្នាំសម្រកទម្ងន់យ៉ាងដាច់ខាត។

បច្ចុប្បន្ន Kimberly បានក្លាយជានារីមានសុខភាពល្អ និងរាងស្អាត ដោយសារការហាត់ប្រាណជាប្រចាំ ការគ្រប់គ្រងរបបអាហារ និងជ្រើសរើសអាហារដែលមានប្រយោជន៍។ បើទោះបីវិធីទាំងនេះមិនបង្ហាញផលបានលឿន និងត្រូវការការព្យាយាមរួមនឹងវិន័យចំពោះខ្លួនឯងច្រើន ប៉ុន្តែវាមិនបានធ្វើឲ្យនាងមានគ្រោះថ្នាក់អ្វីទៀតឡើយ ៕