សកម្មភាពសាមញ្ញៗដែលមនុស្សស្រីគួរឲ្យស្រឡាញ់ និងខ្លាំងក្លាម្នាក់ធ្វើជាប្រចាំ
- 2018-04-23 10:41:11
- ចំនួនមតិ 0 | ចំនួនចែករំលែក 0
សកម្មភាពសាមញ្ញៗដែលមនុស្សស្រីគួរឲ្យស្រឡាញ់ និងខ្លាំងក្លាម្នាក់ធ្វើជាប្រចាំ
មនុស្សយើងមានពេលក្នុងមួយថ្ងៃ ២៤ម៉ោងដូចគ្នា គ្រាន់តែអ្វីដែលសំខាន់តើយើងប្រើវាយ៉ាងណា? អ្នកខ្លះបានធ្វើរឿងល្អៗ និងមានប្រយោជន៍ជាច្រើន ខណៈពេលដែលអ្នកខ្លះទៀតចំណាយពេលដោយគ្មានបានអ្វីជាប្រយោជន៍សោះ។ ខាងក្រោមនេះជាសកម្មភាពសាមញ្ញៗដែលមនុស្សស្រីជោគជ័យ និងរីករាយម្នាក់ធ្វើជាប្រចាំ ដែលអ្នកគួរតែយកជាគំរូ ៖
១. ក្រោកពីព្រលឹមចម្អិនអាហារញ៉ាំ
នាងទម្លាប់ក្រោកពីព្រឹករៀបចំអាហារដោយខ្លួនឯង ឬអាចខ្ចប់យកទៅញ៉ាំនៅកន្លែងធ្វើការ។ ទម្លាប់នេះមិនត្រឹមតែធ្វើឲ្យនាងឧស្សាហ៍ទេ វាជួយសន្សំសំចៃលុយ និងរក្សានូវអនាម័យបានខ្ពស់ទៀតផង។ ម្យ៉ាងទៀតការក្រោកពីព្រលឹមជួយឲ្យនាងស្រស់ស្រាយ និងមានពេលច្រើនសម្រាប់ធ្វើការងារផ្សេងៗ។
**២. ទទួលយកចំណុចមិនល្អពីអ្នកដទៃ**
នាងរីករាយនឹងស្ដាប់ការរិះគន់របស់អ្នកដទៃព្រោះនាងគិតថាមានតែអ្នកដទៃទេដែលមើលឃើញពីចំណុចអាក្រក់របស់នាងបានច្បាស់។ មនុស្សស្រីដែលខ្លាំងម្នាក់មិនដែលមើលរំលងពីកំហុសខ្លួននោះទេ គាត់តែងតែទទួលយករួចហើយកែតម្រូវវាឡើងវិញ។
៣. តែងតែញញឹម
ជាមនុស្សស្រីម្នាក់ដែលអស្ចារ្យគឺនាងមិនដែលបំភ្លេចនូវស្នាមញញឹមរបស់ខ្លួននោះទេ ទោះបីពេលខ្លះមានបញ្ហាក៏ដោយក៏នាងនៅតែព្យាយាមផ្ដល់ស្នាមញញឹមសម្រាប់មនុស្សជុំវិញខ្លួន។ នាងជឿថាស្នាមញញឹមជាថាមពលដ៏សំខាន់សម្រាប់មនុស្សយើង ហើយគ្រប់យ៉ាងនឹងស្រស់ស្អាតនៅពេលដែលយើងចាប់ផ្ដើមញញឹម។
៤. ហាត់ប្រាណ
នាងតែងតែស្រឡាញ់ខ្លួនឯងជានិច្ច ដូច្នេះការហាត់ប្រាណគឺជារឿងសំខាន់មួយដែលនាងត្រូវតែធ្វើ ដូចជា រាំ ហាត់yoga gym ជាដើម។ នេះដើម្បីដើម្បីថែរក្សារូបរាងឲ្យនៅតែស្រស់ស្អាត និងធ្វើឲ្យផ្លូវអារម្មណ៍នាងស្ងប់ស្ងាត់ មិនរវើរវាយ។
៥. ស្វែងរកភាពរីករាយជាមួយនឹងរឿងដែលតូចតាច
នាងមិនប្រកាន់ថារឿងនោះធំ ឬ ក៏តូចនោះទេសំខាន់បំផុត ឲ្យតែនាងគិតថាពេលដែលធ្វើវាហើយ នាងអាចទទួលបានភាពរីករាយដោយមិនប៉ះពាល់ដល់អ្នកដទៃ។ មិនចាំបាច់ទាល់តែរឿងដែលអស្ចារ្យឡើយក៏នាងអាចរកឃើញសេចក្ដីសុខបានដែរ ព្រោះនាងគិតថារឿងគ្រប់យ៉ាងសុទ្ធតែសំខាន់។
៦. ចែករំលែកអ្វីដែលនាងមានទៅអ្នកដទៃ
នាងតែងតែរីករាយក្នុងការជួយអ្នកដទៃដែលត្រូវការនាង ព្រោះនាងសប្បាយចិត្តនៅពេលអ្នកជុំវិញនាងអាចមានភាពរីករាយដូចនាង។ នាងអាចជួយបាននាងនឹងជួយដោយមិនកំណាញ់ឡើយ។ នាងតែងមានចិត្តទូលាយទៅកាន់មនុស្សគ្រប់គ្នាដោយមិនប្រកាន់គំនិតចង្អៀតចង្អល់។
៧. ស្វែងរកចំណេះដឹងថ្មីៗ
នាងមិនចេះទំនេរចោលនោះទេ គឺនាងតែងតែចង់ចេះពីនេះពីនោះមិនឈប់ ដោយមិនចង់ទុកពេលវេលាចោល ដូច្នេះនាងតែងតែរៀនបន្ថែមពីអ្វីដែលខ្លួនមិនទាន់ចេះ៕
ចុចអាន៖ចង់ស្វែងរកសុភមង្គលពិតឲ្យខ្លួនឯង គួរតែទន្ទេញរឿងទាំងនេះជាប់ខួរក្បាល