គន្លឹះពេលព្រឹកទាំង ៤ ដែលជួយឲ្យជីវិតអ្នកជួបភាពរីករាយពេញមួយថ្ងៃ
- 2018-04-24 00:00:00
- ចំនួនមតិ 0 | ចំនួនចែករំលែក 0
គន្លឹះពេលព្រឹកទាំង ៤ ដែលជួយឲ្យជីវិតអ្នកជួបភាពរីករាយពេញមួយថ្ងៃ
វេលាពេលព្រឹក ជាពេលាសេរីសួស្ដីល្អបំផុត ដូច្នេះហើយបានជាចាស់តែងតែឲ្យធ្វើអ្វីល្អៗ ដើម្បីជួបជ័យមង្គលពេញមួយថ្ងៃ។ ចង់បានភាពរីករាយមួយថ្ងៃពេញតែម្ដង គួរតែបំពេញគន្លឹះទាំង ៤ ខាងក្រោមនេះ៖
១.បើកបង្អួចឲ្យពន្លឺព្រះអាទិត្យចូល
ត្រូវស្រូតរូតរះក្រោកពីព្រឹក និងដើរបើកទ្វារបង្អួចក្នុងបន្ទប់គេងដូចជាផ្ទះ ដើម្បីឲ្យពន្លឺចាំងឆ្លុះចូលក្នុង។ បែបនេះទើបព្រឹកឡើងអ្នកមានអារម្មណ៍ល្អជាមួយបរិយាកាសថ្មីដែលអាចជួយឲ្យអ្នកមានភាពស្រស់ស្រាយ ក្រោយបើកភ្នែកភ្លាម។
២.ជ្រើសពណ៌ភ្លឺសម្រាប់ខ្លួនឯង
ការស្រាវជ្រាវបង្ហាញថា បើជុំវិញខ្លួនអ្នកជាមួយនឹងពណ៌ភ្លឺៗអាចជួយបង្កើនភាពប្រសើរឡើងនៅពេលព្រឹក។ ឧទាហរណ៍ពណ៌បៃតង និងពណ៌លឿងត្រូវបានបង្ហាញដើម្បីបង្កើនភាពរហ័សរហួន ទំនុកចិត្ត និងសុខុមាលភាពទូទៅរបស់អ្នកតាមធម្មជាតិ។ ពណ៌ខៀវអាចជួយឲ្យអ្នកមានអារម្មណ៍ធូរស្រាល ខណៈដែលក្រហម និងស្វាយចាស់អាចផ្ដល់ថាមពលកាន់តែច្រើនដល់អ្នក។
៣.ញ៉ាំពេលឃ្លាន
អាហារពេលព្រឹកគួរតែមិនអាចខានបានឡើយ ដើម្បីឲ្យអ្នកមានថាមពលពេញមួយថ្ងៃ។ ការញ៉ាំអ្វីមួយដែលមានសុខភាពល្អនៅពេលព្រឹក ជួយឲ្យរាងកាយរបស់អ្នកទទួលបានសារធាតុចិញ្ចឹមសំខាន់ៗ បន្ទាប់ពីអត់មានអាហារពី ៧ ទៅ ៩ ម៉ោងដែលជាអ្វីអ្នកគេងពេលយប់។ អ្នកញ៉ាំអាហារពេលព្រឹក និងអាចអាហារថ្ងៃត្រង់បាន ឬបន្ថែមរបបតែបន្តិចបន្តួចបាន វិធីនេះក៏អាចជួយរក្សារាងឲ្យនៅស្អាតបាន។
៤.ចាប់ផ្ដើមដោយពាក្យល្អៗ
ព្រឹកឡើងអ្នកគួរតែនិយាយពាក្យណាដែលមានសេរីមង្គល នោះទើបមួយថ្ងៃពេញអ្នកជួបតែរឿងល្អ។ តែបើព្រឹកឡើងអារម្មណ៍មិនល្អហើយ នោះពេញមួយថ្ងៃអ្នកនឹងជួបតែបញ្ហាមិនចេះចប់មិនចេះហើយដែរ៕
ចុចអាន៖ស្រីៗចង់បានជីវិតសុខស្រួលជាងនេះ ត្រូវគិតគូរផ្លាស់មកធ្វើរឿងទាំងនេះឲ្យបាន