រំភើបណាស់! ម្ហូបខ្មែរ២មុខល្បីដល់ទូរទស្សន៍ថៃចុះទៅសម្ភាសផ្ទាល់ (វីដេអូ)
- 2018-04-21 01:41:38
- ចំនួនមតិ 0 | ចំនួនចែករំលែក 0
រំភើបណាស់! ម្ហូបខ្មែរ២មុខល្បីដល់ទូរទស្សន៍ថៃចុះទៅសម្ភាសផ្ទាល់ (វីដេអូ)
ស្ទើរតែរឿងសុំាទៅហើយ នៅពេលនរណាម្នាក់និយាយអំពីទំនោរលើមុខម្ហូបប្រទេសនេះ ប្រទេសនោះរៀងខ្លួន នៅលើទឹកដីព្រះរាជាណាចក្រអច្ឆរិយ ប៉ុន្តែរឿងដែលម្ហូបខ្មែរមានមុខលើប្រទេសដទៃ ទើបជារឿងប្លែកត្រចៀក។
តាមទំព័របណ្ដាញសង្គមរបស់ទូរទស្សន៍ថៃមួយបានឲ្យដឹងថា មានម្ហូបខ្មែរចំនួន២មុខ គឺទឹកគ្រឿង និងសម្លប្រហើរត្រីឆ្អើរ ត្រូវបានទូរទស្សន៍ក្នុងស្រុកថៃមួយនោះ ចុះទៅសម្ភាសន៍លោកស្រី ឡាយ ច័ន្ទរស្មី ទីប្រឹក្សានៃស្ថានឯកអគ្គរាជទូតកម្ពុជាប្រចាំព្រះរាជាណាចក្រថៃ ដើម្បីផ្សព្វផ្សាយនិងលើកកម្ពស់ម្ហូបខ្មែរពីរមុខនេះ។
លោកស្រីទីប្រឹក្សា ពន្យល់បន្ថែមជុំវិញការបង្អួតអត្តសញ្ញាណខ្មែរលើឆាកអន្តរជាតិ ក្នុងបទសម្ភាសន៍ជាមួយ Sabay បែបនេះ "ដោយសារទឹកគ្រឿង ជាមុខម្អូបពេញនិយមរបស់ខ្មែរភាគច្រើន ហើយប្រទេសយើងសម្បូរត្រី តាមផ្ទះដែលនៅតាមដងទន្លេ និងបឹងទន្លេសាបដែលជាប្រភពត្រីងាយស្រួលរកត្រី ហើយស្របនឹងមានបន្លែក្បែរផ្ទះទៀត ម្ហូបងាយៗ គឺទឹកគ្រឿងអាចធ្វើបាន ។ ដោយឡែក សម្លក់ត្រីឆ្អើរក៏ដូចគ្នា អ្វីដែលបង្ហាញពីអត្តសញ្ញាណរបស់ខ្មែរក្នុងការធ្វើម្ហូបគឺ ប្រហុក ដែលផ្ទះណាក៏មាន...យកត្រីឆ្អើរដែលធ្វើពីត្រីកេះអាធំទៀត ចង់បញ្ចាក់ពីភាពសម្បូររុងរឿងរបស់ខ្មែរ ហើយត្រីឆ្អើរធ្វើពីត្រីកេះគឺ ឆ្ងាញ់"។
បទសម្ភាសន៍នេះ ស្ដីពីដំណើរការផ្សំគ្រឿងនៃមុខម្ហូបកេរ្ដិ៍ពីដូនតាខ្មែរយើង គឺ "ទឹកគ្រឿង" និង"សម្លប្រហើរត្រីឆ្អើរ"។ តោះ...ទស្សនា និងស្ដាប់ទាំងអស់គ្នា...!