សញ្ញាព្រមានចំពោះសុខភាព ៥ យ៉ាង ស្ត្រីគ្រប់រូបគួររកដោះស្រាយភ្លាមៗ

2018-04-19 09:00:00
ចំនួនមតិ 0 | ចំនួនចែករំលែក 0

សុខភាព គឺជារឿងសំខាន់ណាស់សម្រាប់មនុស្សស្រីម្នាក់ៗ។ ដូចនេះចូរក្រឡេកមើលសញ្ញាព្រមានដែលថាសុខភាពរបស់អ្នកកំពុងថយចុះចាប់ពីពេលនេះតទៅ៖

១.មិនអាចយកឥវ៉ាន់នៅទីខ្ពស់

សកម្មភាពនេះអាចបណ្ដាលមកពីឆ្អឹង ដូចនេះត្រូវពិនិត្យមើលភាពបត់បែននៃខ្នង និងភ្លៅ។

២.ពិបាកដកដង្ហើមពេលឡើង ឬចុះជណ្ដើរ

ប្រសិនបើកត់សម្គាល់ថាអ្នកមានការពិបាកដកដង្ហើម ឬដង្ហើមខ្លី វាបង្ហាញថាសួតរបស់អ្នកកំពុងមានបញ្ហា។

៣.ព្រឹកព្រលឹមភ្ញាក់ឡើងអស់កម្លាំង

មនុស្សដែលទទួលរងអាការៈបែបនេះជារឿយៗមកពីអង្គុយយូរពេក ទើបនាំឲ្យខ្វះថាមពល ជាពិសេសនៅពេលព្រឹកក្រោយពីភ្ញាក់ពីគេង។ ដូច្នេះអ្នកគួរតែទម្លាប់ហាត់ប្រាណឲ្យបានទៀងទាត់យ៉ាងហោចណាស់ ៥ដងក្នុងមួយសប្ដាហ៍ ឬ ៣០ នាទីរាល់ថ្ងៃ។

រូបតំណាង

**៤.យកដៃច្រត់ពេល ក្រោកឡើង**

នៅពេលអង្គុយចុះ ឬក្រោកឡើងប្រសិនបើអ្នកមានការលំបាកក្នុងជើង នោះអ្នកគួរតែយកចិត្តទុកដាក់ភ្លាមៗដោយទៅជួបគ្រូពេទ្យ ព្រោះទំនងជាមានជំងឺរលាកសន្លាក់ឆ្អឹង ឬជំងឺពុកឆ្អឹង ។

៥.ជាប់ៗសរសៃ

នៅពេលជួបប្រទះបញ្ហានេះអ្នកគួរតែធ្វើការបង្វិលត្រគាកជាទៀងទាត់ ដើម្បីជួយពង្រឹងសាច់ដុំខ្នង និងមុខងាររួម ហើយក៏អាចបង្ការជំងឺដូចជាឈឺខ្នងរ៉ាំរ៉ៃ៕