ទម្លាប់ឆេវឆាវ ខឹងច្រើន ប្រយ័ត្នប្រឈមគ្រោះថ្នាក់នឹងជំងឺអស់នេះ

2018-04-16 02:00:00
ចំនួនមតិ 0 | ចំនួនចែករំលែក 0

នរណាក៏ចេះឆេវឆាវ ចេះខឹង ដែលកើតឡើងដោយសារសម្ពាធការងារប្រចាំថ្ងៃដែរ តែយើងមិនអាចធ្វើព្រងើយកន្តើយចំពោះឥរិយាបថនេះបានទេ។ បើបណ្តែតបណ្តោយ វានឹងក្លាយជាទម្លាប់អាក្រក់មួយដែលមិនអាចកែបាន ហើយផ្តល់ទុក្ខទោសដល់សុខភាពរាងកាយទាំងមូលផង។

រូបតំណាង

តាមរយៈការស្រាវជ្រាវបានឲ្យដឹងថា មនុស្សដែលឆេវឆាវច្រើន អាចប្រឈមនឹងគ្រោះថ្នាក់នៃការគាំងបេះដូងលើសពីធម្មតា ដល់ទៅបីដងឯណោះ។ អារម្មណ៍ឆេវឆាវ ធ្វើឲ្យសម្ពាធឈាមកើនឡើងចង្វាក់បេះដូងដើរលឿនខ្លាំង រហូតអាចប្រឈមនឹងគ្រោះថ្នាក់គាំងបេះដូងតែម្តង។

មិនតែប៉ុណ្ណោះ វាអាចមានគ្រោះថ្នាក់ខ្លាំងចំពោះស្ត្រីផងដែរ ដោយអាចប្រឈមនឹងជំងឺមហារីកសុដន់។ នៅពេលស្ត្រីមានអារម្មណ៍តានតឹន ឬឧស្សាហ៍មានកំហឹងជាប់ខ្លួន វាជះឥទ្ធិពលដល់ការកកស្ទះក្រពេញទឹកដោះ ដែលបង្ហាញតាមរយៈសញ្ញាណដំបូងគឺ ការឈឺ និងចុកស្រគៀរនៅបរិវេណសុដន់។

ក្រៅពីនេះ ទម្លាប់ឆេវឆាវក៏ជាមុខងារធំបំផុតដែលបំផ្លាញប្រព័ន្ធស៊ាំរបស់រាងកាយផងដែរ មានន័យថាអ្នកងាយទទួលប្រតិកម្មដោយសារបម្លាស់ប្តូរបរិយាកាសពីខាងក្រៅ ឆាប់ហត់អស់កម្លាំង និងឆាប់ឆ្លងនូវជំងឺផ្សេងៗជាដើម។

ដូចនេះដើម្បីកាត់បន្ថយហានិភ័យនៃគ្រោះថ្នាក់ខាងលើ អ្នកគួររៀនសម្របខ្លួនឲ្យឆ្ងាយពីទម្លាប់អាក្រក់មួយនេះ ឬអាចសាកល្បងវិធីសមាធិខ្លះដើម្បីជាជំនួយក៏បាន។ ចង់ផ្លាស់ប្តូរទម្លាប់ណាមួយ មិនមែនជាការងាយស្រួលទេ ហើយក៏មិនអាចថាឈប់ក៏ឈប់ភ្លាមបានដែរ តែយ៉ាងហោចណាស់អ្នកអាចកាត់បន្ថយបាន៕

ចុចអាន៖ទាំងស្ត្រីនៅលីវ ឬមានគ្រួសារ ត្រូវយល់ដឹងទម្លាប់មុនចូលគេងទាំងនេះ

ប្រភព៖ kenhphunu ប្រែសម្រួល៖ អ៊ុង រ័ត្នបញ្ញា