ជូនចំពោះនារី! ត្រូវស្រឡាញ់បុរសដែលស្រឡាញ់ភាពស្អាតស្អំខាងក្នុងអ្នកជាងខ្លួនប្រាណរបស់អ្នក
- 2018-04-05 03:08:42
- ចំនួនមតិ 0 | ចំនួនចែករំលែក 0
ជូនចំពោះនារី! ត្រូវស្រឡាញ់បុរសដែលស្រឡាញ់ភាពស្អាតស្អំខាងក្នុងអ្នកជាងខ្លួនប្រាណរបស់អ្នក
ជូនចំពោះនារីទាំងអស់!
-ត្រូវស្រឡាញ់បុរសដែលនឹងស្រឡាញ់អ្នកដោយគ្មានលក្ខខណ្ឌ។ អ្នកដែលអាចទទួលយកគុណវិបត្តិ ទទួលយកកំហុស និងភាពទន់ខ្សោយរបស់អ្នក ហើយផ្ដល់មកឲ្យអ្នកវិញនូវតម្លៃមួយយ៉ាងសក្តិសម។
-ត្រូវស្រឡាញ់បុរសដែលតស៊ូដើម្បីអ្នកទោះបីជាមានការលំបាក និងព្យុះភ្លៀងនៅក្នុងជីវិតយ៉ាងណាក៏ដោយ។ បុរសដែលអាចទទួលយកអាកប្បកិរិយាឆ្កួតឡប់ ឬរំអុករំខានរបស់អ្នកដោយមិនប្រើពាក្យថាធុញទ្រាន់។
-ត្រូវស្រឡាញ់មនុស្សប្រុសដែលនៅក្បែរអ្នកពេលដែលដុនដាបបំផុត ហើយគេអាចជួយលួងលោមអ្នករហូតអ្នកលែងអី។ មនុស្សប្រុសដែលនៅតែនិយាយជាមួយអ្នកយ៉ាងទន់ភ្លន់បន្ទាប់ពីអ្នកទាំងពីរឈ្លោះគ្នាហើយក៏ដោយ។
-ត្រូវស្រឡាញ់បុរសដែលកោតសរសើរ និងឲ្យតម្លៃចំពោះការខិតខំប្រឹងប្រែងរបស់អ្នក ហើយនឹងណែនាំអ្នក គាំទ្រអ្នកទៅកាន់បំណងប្រាថ្នាជីវិតរបស់អ្នក។ អ្នកណាដែលនៅក្បែរអ្នកដើម្បីចង់ឃើញស្នាមញញឹមរបស់អ្នកទោះដឹងថាថ្ងៃនោះជាថ្ងៃចុងក្រោយនៃជីវិតក៏ដោយ។
-ត្រូវស្រឡាញ់មនុស្សប្រុសដែលអាចថើបអ្នកផ្ដល់ភាពកក់ក្ដៅឲ្យអ្នក និងផ្ដល់ឲ្យអ្នកនូវអារម្មណ៍ដែលអស្ចារ្យជាងគេបំផុត។ អ្នកណាដែលមិនភ្លេច Call មកអ្នកពេលអ្នកនៅឆ្ងាយ។ អ្នកណាដែលតែងតែផ្ញើសារយ៉ាងកក់ក្ដៅមកឲ្យអ្នកពេលអ្នកមិនបាននៅក្បែរគេ។
-ត្រូវស្រឡាញ់អ្នកណាដែលអាចធ្វើជាមិត្តល្អ និងសង្សារដ៏ល្អរបស់អ្នកក្នុងពេលតែមួយ។ អ្នកណាដែលនឹងអាចនៅជាមួយអ្នកហើយនិយាយអំពីរឿងរ៉ាវនៅក្នុងជីវិតជាមួយគ្នាដោយមិនធុញទ្រាន់។ អ្នកណាដែលកាន់ដៃអ្នក និងបង្ហាញដល់អ្នកដទៃថាគាត់ស្រឡាញ់គាត់ខ្លាំងដោយមិនហត់នឿយ។
-ត្រូវស្រឡាញ់អ្នកណាដែលអាចលើកលែងទោសឲ្យអ្នកបាន។ អ្នកដែលមិនគិតពីឋានៈ បុណ្យស័ក្ដិ មុខតំណែងអ្នក ហើយស្រឡាញ់អ្នកជាអ្នក។ ស្រឡាញ់អ្នកដែលផ្ដល់ការសម្រេចចិត្តឲ្យអ្នក មិនមែនបង្ខំអ្នកឲ្យធ្វើតាមគេ។
-ត្រូវស្រឡាញ់អ្នកណាដែលអាចស្រឡាញ់ភាពស្អាតស្អំចេញពីខាងក្នុងរបស់អ្នកជាជាងខ្លួនប្រាណរបស់អ្នក។ អ្នកដែលអាចលុបបំបាត់ការព្រួយបារម្ភ ទឹកភ្នែក និងការសង្ស័យរបស់អ្នកបាន។ ស្រឡាញ់អ្នកណាដែលធ្វើឲ្យអ្នករីករាយបានដោយមិនមែនSurprise អ្នកតែថ្ងៃពិសេសនោះទេ៕
ចុចអាន៖ទំនួលខុសត្រូវ ៥យ៉ាងដែលបុរសល្អម្នាក់គួរតែមានចំពោះនារីដែលខ្លួនស្រឡាញ់