ល្បិចឆ្លាតវៃក្នុងផ្ទះបាយ កូនប្រសាស្រីត្រូវចេះ ដើម្បីចងចិត្តម្តាយក្មេកនិងស្វាមី
- 2018-04-04 04:49:35
- ចំនួនមតិ 0 | ចំនួនចែករំលែក 0
ល្បិចឆ្លាតវៃក្នុងផ្ទះបាយ កូនប្រសាស្រីត្រូវចេះ ដើម្បីចងចិត្តម្តាយក្មេកនិងស្វាមី
ដើម្បីក្លាយស្ត្រីមេផ្ទះដ៏ពូកែក្នុងរឿងចង្ក្រានជើងឆ្នាំង អ្នកប្រាកដជាចង់ដឹងពីល្បិចឆ្លាតវៃមួយចំនួននៅក្នុងផ្ទះបាយ ជាពិសេសគឺគ្រប់យ៉ាងដែលទាក់ទងនឹងម្ហូបអាហារ។ ជឿថាក្នុងចំណោមប៉ុន្មានចំនុចខាងក្រោម ក៏មានស្ត្រីមេផ្ទះខ្លះបានដឹង ហើយខ្លះទៀតក៏មិនដែលដឹងសោះតែម្តង។
១. ដើម្បីបំពងដំឡូងឲ្យស្រួយឆ្ងាញ់ ត្រូវត្រាំវាក្នុងទឹកប្រហែល ៣នាទីសិន រួចស្រង់ឡើងហើយសឹមយកទៅបំពង។
២. ដំឡូងបារាំងមិនលូតឬសឡើយ បើទុកវានៅជិតផ្លែប៉ោម។
៣. ដើម្បីរំលាយសូកូឡាមិនឲ្យខ្លោចអ្នកអាចប្រើចំហាយទឹកក្តៅ ឬម៉ាស៊ីនផ្លុំសក់ក៏បាន។
៤. បាញ់ស្រ្ពាយស្រាក្រហមតិចៗលើសណ្តែកដីដែលនៅក្តៅ ក្រោយបំពងរួច អ្នកនឹងទទួលបានសណ្តែកដីដែលស្រួយឆ្ងាញ់។ ពេលសណ្តែកដីត្រជាក់ហើយសឹមក្រឡុកអំបិលស្ករ។
៥. បំបាត់ក្លិនឆ្អាបរបស់ត្រី ដោយត្រាំវាក្នុងទឹកមួយលីត្រលាយជាមួយទឹកខ្មេះ និងខ្ញីចិញ្ច្រាំ បន្ទាប់មកចាំយកទៅចម្អិន។
៦. ស៊ុតថ្មី ឬស៊ុតចាស់អាចពិសោធន៍ដឹងដោយត្រាំក្នុងទឹកអំបិល។ បើស៊ុតថ្មីនៅស្រស់ល្អ វានឹងអណ្តែតក្នុងកែវទឹកអំបិលនោះ។
៧. យកចង្កឹះដាក់ក្នុងខ្ទះខ្លាញ់ បើវាមានពពុះជាប់ចង្កឹះមានន័យខ្លាញ់ក្តៅអាចដាក់ចៀនឬបំពងបានហើយ។
៨. មុនច្របាច់ក្រូចឆ្មារត្រូវលុញឈ្លីវាជាមុនដើម្បីឲ្យចេញទឹកច្រើន។
៩. ចង់កម្តៅនំប័ុងដែលស្វិត ត្រូវស្រោចទឹកឲ្យជោគនំប័ុងសិនរួចចាំយកទៅកម្តៅក្នុង Oven ធ្វើដូចនេះនំប័ុងនឹងទន់ល្អ៕
ចុចអាន៖ប្រយោជន៍ ៥យ៉ាងបន្ថែមពីការប្រើប្រាស់ធ្យូងក្នុងផ្ទះ