ឆ្លងមេរោគនឹងឆ្លងទៅទ្វារមាសយ៉ាងងាយ បើទម្លាប់ធ្វើទាំង ៥ នេះលើខោទ្រនាប់

2018-04-03 10:00:00
ចំនួនមតិ 0 | ចំនួនចែករំលែក 0

ខោទ្រនាប់ គឺជាកន្លែងងាយនឹងឆ្លងមេរោគទៅប្រដាប់ភេទខ្លាំងណាស់ ជាពិសេសខោមនុស្សស្រីតែម្ដង។ ដូចនេះហើយបើមិនចង់ឲ្យមានមេរោគនៅតំបន់ទ្វារមាស សូមកុំធ្វើរឿង ៥ យ៉ាងនេះជាដាច់ខាត៖

១.ស្លៀកខោក្នុងពណ៌ក្រហមដដែលៗ

មនុស្សស្រីមួយចំនួនគិតថា ពណ៌នេះមើលទៅមិនសូវឃើញប្រឡាក់អាចស្លៀកយូរជាងខោធម្មតា។ តែទោះជាយ៉ាងណាពណ៌មិនអាចរារាំងបាក់តេរីនោះទេ ហើយវាអាចប៉ះពាល់ដល់ទ្វារមាសខ្លាំងណាស់។ ដូចនេះបើចង់ប្រើខោក្នុងមួយច្រើនថ្ងៃ គួរតែមានសំឡីអនាម័យតូចស្ដើងៗមកបិទ និងឧស្សាហ៍ដូរវាចេញ ដើម្បីចៀសវាងការឆ្លងរោគណាមួយ។

រូបតំណាង

**២.មិនលាងសម្អាតទ្វារមាសភ្លាមៗក្រោយពីផ្លាស់**

ទម្លាប់មួយដែលមនុស្សស្រីជួប គឺទទួលរងការរមាស់ក្រោយពេលស្រាត ឬផ្លាស់ខោក្នុងចេញ ព្រោះមិនបានលាងសម្អាតតំបន់នោះ។ នេះគឺជាបុព្វហេតុនៃការរីកលូតលាស់របស់បាក់តេរីដែលបណ្ដាលឲ្យកើតជំងឺផ្សេងៗ។

៣.ខោក្នុងថ្មី មិនបានបោកសម្អាតជាមុន

ខោអាវថ្មីៗដែលមិនបានសម្អាត និងពាក់វាភ្លាមមានគ្រោះថ្នាក់ដល់សុខភាពណាស់ ជាពិសេសខោក្នុងនេះតែម្ដង។ នៅក្នុងការផលិតសម្លៀកបំពាក់គេប្រើគ្រឿងផ្សំមួយចំនួនដូចជា ក្រណាត់ ជ័រ សូលុយស្យុង ឬស្ពាន់ធ័រ ... សារធាតុគីមីទាំងនេះនឹងធ្វើឲ្យអ្នកប្រើមានបញ្ហាឆ្លងរោគផ្សេងៗ ឬអាចឈានដល់ការគ្មានកូនតែម្ដង។ ដូច្នេះសម្លៀកបំពាក់ថ្មី ពិសេសខោក្នុងជាទូទៅត្រូវបោកទឹក ដើម្បីលាងសម្អាត និងហាលវាឲ្យស្ងួតសិនចាំស្លៀក។

៤.ស្លៀកខោខាងក្រៅរឹបពេក

បានជាការស្លៀកពាក់ខោខាងក្រៅ ធ្វើឲ្យប៉ះពាល់ដល់ទ្វារមាស ព្រោះវាធ្វើឲ្យមានការរឹតរួត អាប់អួ និងការកកិតគ្នារវាងខោក្នុង និងសាច់។ លើសពីនេះទៀតតំបន់នេះមិនត្រូវខ្យល់ចេញចូល ទើបបណ្ដាលឲ្យបាក់តេរីបង្កបង្កើតឡើង ដែលប៉ះពាល់ដល់សុខភាពបន្តពូជ។

៥.ស្លៀកខោទ្រនាប់ពេលចូលគេង

ក្រុមអ្នកជំនាញបានណែនាំថា ស្ត្រីគួរតែដេកអាក្រាតទើបល្អសម្រាប់រាងកាយ ឬជ្រើសរើសមិនស្លៀកខោទ្រនាប់។ ពេលគេងទាំងមានខោក្នុងរាងកាយមិនអាចបញ្ចេញញើស ហើយធ្វើឲ្យផ្សិតកកើត និងរលាកប្រដាប់ភេទ៕