៦ ជំហាន ដើម្បីក្លាយជាមនុស្សស្រីពេញលក្ខណៈ ដែលជាទីប៉ងនៃបុរសគ្រប់រូប

2018-03-31 01:28:14
ចំនួនមតិ 0 | ចំនួនចែករំលែក 0

បុរសជាច្រើនមានក្ដីសុបិន និងមហិច្ឆតាបានរៀបការជាមួយស្ត្រីដែលមានទេពកោសល្យអាចជួយពួកគេឲ្យសម្រេចជោគជ័យនៅក្នុងអាជីពរបស់ពួកគេ។ ដូចនេះបើចង់ក្លាយជាមនុស្សស្រីពេញលក្ខណៈ ដែលបុរសប៉ងប្រាថ្នា អនុវត្តន៍ ៦ ជំហានដូចខាងក្រោម៖

១.មានការងារផ្ទាល់ខ្លួន

បុរសតែងតែចង់បានភរិយា ដែលរួមគ្នាធ្វើកិច្ចការផ្សេងៗទាំងនៅក្រៅ និងក្នុងផ្ទះបន្ទាប់ពីរៀបការ។ ដូចនេះហើយអ្នកគួរតែធ្វើជាមនុស្សស្រីមានការងារធ្វើរួចជាស្រេច ពេលនៅលីវដែលអាចចិញ្ចឹមខ្លួនរស់ ហើយក្រោយរៀបការអ្នកនឹងឆាប់សម្រេចក្ដីប្រាថ្នាទាំងពីរនាក់។

រូបតំណាង

**២.ជួយគាត់**

ដូចសុភាសិតខ្មែរពោលថា "សំណាបយោងដី ស្រីយោងប្រុស" មនុស្សប្រុសទោះខ្លាំងប៉ុណ្ណា ក៏ពេលខ្លះនៅតែត្រូវការសុំជំនួយជាពិសេសពីនារីដែរ ដូចនេះកុំបដិសេធសំណើគាត់អី។ ជាដៃគូនឹងគ្នា គួរតែស្វែងយល់ពីកិច្ចការរបស់ភាគីម្ខាងទៀត ព្រោះពេលមានការអ្នកជាទីពឹងរបស់គាត់។

៣.តស៊ូ

ស្ត្រីដ៏ល្អម្នាក់ មនុស្សប្រុសគ្រប់គ្នាពិតជាចង់បាន ដូចនេះពេលដៃគូមានបញ្ហាបាត់បង់គ្រប់យ៉ាង អ្នកជាទីពំនឹងរបស់គាត់។ នារីល្អម្នាក់ គេមិនដែលចាកចោលបុរសក្នុងគ្រាមានអាសន្នឡើយ។

៤.កៀកស្មាគាត់ដើរទៅរកភាពជោគជ័យ

មនុស្សដែលទទួលបានជោគជ័យ យ៉ាងហោចណាស់ក៏ស្គាល់ការបរាជ័យម្ដងក្នុងជីវិតដែរ។ នៅពេលដែលអ្នកឃើញគាត់ធ្លាក់ខ្លួនក្រៀមក្រំ ឬកុំភ័យខ្លាច គាត់ពិតជាពិបាកហាមាត់ក្នុងការនិយាយឃាត់អ្នកណាស់ ព្រោះអ្នកអាចមកពិបាកជាមួយ។ តែសម្រាប់មនុស្សស្រីដ៏ល្អម្នាក់ប្រាកដជានៅកៀកស្មាទាញគាត់ឲ្យឆ្លងកាត់ដំណាក់កាលបរាជ័យទាំងនោះ។

៥.ផ្ដល់យោបល់ឲ្យគាត់

នៅក្នុងការជជែកវែកញែកគ្នា បុរសតែងតែសង្ឃឹមថាអ្នកនឹងដឹងអំពីរបៀបបង្កើតគំនិតល្អៗ និងអាចកសាងទំនាក់ទំនងដោយមិនសម្លឹងអ្វីទាំងអស់។ ប្រសិនបើអ្នកមានគំនិតដ៏អស្ចារ្យអាចចែករំលែកវាជាមួយគាត់ ជំនួសឲ្យការបង្ហាញគាត់។ ព្យាយាមលៃសំឡេងសម្ដីក្នុងករណីខ្លះ ដើម្បីឲ្យគាត់មានអារម្មណ៍ថាអ្នក គោរពស្មោះត្រង់ជាមួយដោយមិនមានភាពធុញទ្រាន់។

៦.ជួយកំណែលម្អគ្នា

ពេលមានបញ្ហាប្រឈមតិចតួចអាចជួយលើកកម្ពស់ការអភិវឌ្ឍរបស់គាត់កាន់តែច្រើន។ ក្រៅពីនេះសូមកុំភ្លេចលើកទឹកចិត្តឲ្យគាត់អភិវឌ្ឍជំនាញដែលអ្នកគិតថា មានប្រយោជន៍ និងជួយគាត់ឲ្យទទួលជោគជ័យ៕