ប៉ុន្មានថ្ងៃមុនធាត់ទ្រលុកៗសោះ ស្រាប់តែឥឡូវ Selena ស្គមវិញបាត់ ដោយសារ...

2018-03-28 04:04:45
ចំនួនមតិ 0 | ចំនួនចែករំលែក 0

កាលពីជិតពីរសប្ដាហ៍មុនអតីតមិត្តស្រី Justin Bieber ត្រូវបានគេថតបានរូបរាងដ៏ធាត់ដុះក្បាលពោះ ពេលទៅលេងសមុទ្រនៅក្នុងទីក្រុងស៊ីដនីប្រទេសអូស្ត្រាលី។

Selena Gomez ទៅលេងសមុទ្រនៅក្នុងទីក្រុងស៊ីដនី

ស្រាប់តែថ្មីៗនេះ Selena Gomez បានបង្ហាញខ្លួននៅលើផ្លូវមួយក្នុងទីក្រុង Los Angeles ដែលរូបរាងគឺស្រឡូនស្អាតឡើងវិញ ទាក់ទាញអ្នកចាំថតរូបមិនចេះតិច។ តារាស្រីវ័យ ២៥ ឆ្នាំបាន ពាក់អាវយឺតខើចបញ្ចេញក្បាលពោះ សំពត់ពណ៌ក្រហមឆេះ និងស្បែកជើងកែងពណ៌សលាយខ្មៅ ជាមួយដំណើរដ៏សែនស្វាហាប់។

នៅក្នុងសម្លៀកបំពាក់សិចស៊ី Selena បានធ្វើឲ្យមនុស្សជាច្រើនកោតសរសើរការងើបឡើងវិញយ៉ាងឆាប់រហ័ស បន្ទាប់ពីធាត់ទ្រលុកៗក្រោយបែបពី Justin។

Selena Gomez បង្ហាញខ្លួននៅទីក្រុង Los Angeles

ជាការឆ្លើយតបរបស់តារាចម្រៀងរូបនេះទៅនឹងសារព័ត៌មានជាច្រើនទាក់ទងនឹងរូបរាងកាយ ម្ចាស់បទ " Same Old Love” បានបញ្ជាក់ថា "ស្តង់ដារនៃភាពស្រស់ស្អាតរបស់ស្រី គឺពិតជារឿងអាប់អួដែលធ្វើឲ្យស្ត្រីសម័យទំនើបធ្លាក់ចូលក្នុងអន្ទាក់អស់សង្ឃឹមដោយខ្លួនឯង។ ខ្ញុំទើបតែរៀនស្រលាញ់ និងថែរក្សាខ្លួនខ្ញុំ ព្រោះខ្ញុំចង់បាន មិនមែនដោយសារខ្ញុំត្រូវតែបង្ហាញអ្វីទេ"៕