មិនចង់ឲ្យរៀបការរួចបែកគ្នា គួរសួរ ៧ សំណួរនេះទៅដៃគូមុនសម្រេចចិត្ត

2018-03-23 08:30:00
ចំនួនមតិ 0 | ចំនួនចែករំលែក 0

អាថ៌កំបាំងតិច ឬច្រើនតែងតែងមានហើយនៅក្នុងជីវិតគូ វាក៏ជាការប្រសើរដែលមនុស្សម្នាក់ៗត្រូវដឹងរឿងថ្មីៗពីដៃគូររបស់ខ្លួន បើសិនជាមិនដឹងរឿងអ្វីពីគ្នាសោះនោះទំនាក់ទំនងស្នេហាហាក់បីដូចជាមានភាពជាប់គាំង។ យ៉ាងណាមិញរឿងខ្លះយើងត្រូវតែនិយាយសួរនាំគ្នាឲ្យច្បាស់ ដើម្បីកុំឲ្យកើតរឿងធំទៅថ្ងៃមុខ។

១.តើពួកយើងនឹងផ្លាស់ប្ដូរទេបន្ទាប់ពីរៀបការរួច?

ចម្លើយច្បាស់ជាផ្លាស់ប្ដូរហើយ ប៉ុន្តែការផ្លាស់ប្ដូរនោះមានអ្វីខ្លះ?ទំនួលខុសត្រូវ ការរស់នៅ ជីវិតគូ...។ វាមិនដូចនៅពេលមុនរៀបការនោះទេ សូម្បីតែអ្នកសិក្សាស្រាវជ្រាវក៏បាបញ្ជាក់ផងដែរថាមនុស្សនឹងប្រែប្រួលក្រោយពេលរៀបការ។ អ្វីដែលសំខាន់គឺត្រូវចេះបត់បែន និងមានភាពចុះសម្រុងយល់ចិត្តគ្នាទើបមានក្ដីសុខ។

រូបតំណាង

**២.តើអ្វីទៅជាការបោកប្រាស់?**

អ្នកដែលឆាប់ខឹងឆាប់ប្រចណ្ឌ ពេលខ្លះសូម្បីតែដៃគូទៅប៉ះអ្នកផ្សេង ឬមួយក៏ប្រាប់អាថ៌កំបាំងទៅអ្នកដទៃក៏គេគិតថាជាការបោកប្រាស់ដែរ។ ប៉ុន្តែអ្នកខ្លះវិញគេមិនគិតបែបនោះទេ លុះត្រាតែដៃគូគេទៅគេងជាមួយអ្នកផ្សេង ទើបគិតថាជាការបោកប្រាស់។ ម្ល៉ោះហើយបានអ្នកត្រូវសួរបញ្ជាក់គ្នាឲ្យបានច្បាស់លាស់ដើម្បីកុំឲ្យមានការភាន់ច្រឡំកើតឡើង។

៣.សួរគាត់ថាមានជំពាក់លុយគេអត់? បើមានប៉ុន្មានដែរទៅ?

គូរស្នេហ៍វ័យក្មេងខ្លះគេមិនហ៊ានសួរនាំគ្នាពីរឿងលុយកាក់ទេ ព្រោះខ្លាចប៉ះពាល់ដល់ចំណងស្នេហ៍របស់ពួកគេ។ ក៏ប៉ុន្តែតាមពិតទៅរឿងនេះ គឺចាំបាច់ត្រូវតែនិយាយដូចគ្នា យើងមិនត្រូវប្រើអារម្មណ៍តែមួយមុខនោះឡើយ ព្រោះការរស់នៅជាមួយគ្នាគឺត្រូវតែមានការចំណាយផ្សេងៗ។ សាកស្រមៃមើលថា បើថ្ងៃណាមួយអ្នករៀបការជាមួយមនុស្សដែលស្រលាញ់ស្រាប់បានតែមួយអាទិត្យទើបយើងដឹងថា គាត់ជំពាក់លុយគេរុំកោះវាមិនមែនជារឿងល្អទេ។ ជាការល្អដែលយើងគួរតែពិភាក្សាគ្នាពីរឿងនេះហើយរកដំណោះស្រាយណាមួយសមរម្យ ព្រោះលាក់បាំងគ្នាវាមិនមែនជារឿងល្អទេ។

៤.សួរគាត់ថាគិតចង់បានកូនទេ?

អ្នកខ្លះគិតថាការមានកូន គឺជារឿងចាំបាច់បំផុតក្នុងជីវិតពេលរៀបការ ខ្លះទៀតគិតថាមានក៏បានគ្មានក៏បាន។ ពេលខ្លះអ្នកជួបជាមួយមនុស្សក្នុងក្ដីសុបិនហើយ ប៉ុន្តែបើមិនបាននិយាយពីរឿងកូនទេចំណងស្នេហ៍អាចនឹងជួបរឿងប្រេះឆាក្រោយរៀបការ ព្រោះគាត់មិនចង់បាន តែបើអ្នកនិយាយគ្នាមុន អ្នកអាចពិចារណាចែកផ្លូវក៏ថាបាន។

រូបតំណាង

៥.តើចង់មានពេលវេលាផ្ទាល់ខ្លួនច្រើនកម្រិតណា?

ពេលនៅជាមួយគ្នាយូរៗទៅច្បាស់ជាមានអារម្មណ៍ថាដូចជាគ្មានពេលវេលាសម្រាប់ខ្លួនឯងទាល់តែសោះ។ ការធ្វើអ្វីៗមិនចាំបាច់ទាល់តែធ្វើម្ដងទាំងពីរនាក់នោះទេ ព្រោះរឿងខ្លះយើងចង់ធ្វើវាតែម្នាក់ឯងហើយដោយភាពឯករាជ្យ។ អ្នកគួរតែសួរដៃគូទៅថា តើពួកអ្នកត្រូវការពេលវេលាផ្ទាល់ខ្លួនក្នុងកាល:ទេស:បែបណាខ្លះ? កុំខ្លាចគេធុញអី សួរច្រើនបន្តិចក៏មិនអីដែរ ព្រោះអ្នកជំនាញចិត្តវិទ្យាមួយរូបមកពីសកលវិទ្យាល័យ Northwestern University បានអះអាងថាការមិនហ៊ានសួរនាំគ្នាចំៗពីបញ្ហាផ្សេងៗមិនអាចធ្វើឲ្យចំណងអាពាហ៍ពិពាហ៍មានភាពរឹងមាំឡើយ។

៦.តើនរណាជាអ្នកធ្វើកិច្ចការងារផ្ទះ?

យោងទៅតាមមជ្ឈមណ្ឌលស្រាវជ្រាវកាលពីឆ្នាំ ២០០៧ បានរកឃើញថាការចេះជួយចែករំលែកនូវកិច្ចការងារក្នុងផ្ទះជារឿងចម្បងបំផុត ដើម្បីភាពជោគជ័យនិងមានសុភមង្គលនៅក្នុងជីវិតអាពាហ៍ពិពាហ៍។ ផ្ទុយទៅវិញបើស្វាមីអង្គុយតែប្រចាំខាងស្រីនោះជម្លោះនឹងអាចកើតឡើងគ្រប់ពេល។

៧.សួរពីគំនិតគាត់ក្នុងករណីបើអ្នកលែងលះគ្នានៅថ្ងៃណាមួយ

ក្នុងទំនាក់ទំនងរវាងប្ដីប្រពន្ធខ្លាចបំផុតហើយពាក្យថាលែងលះនេះ ហើយក៏គ្មាននរណានៅសុខៗទៅចង់រំលឹកសួរនាំដែរ។ ប៉ុន្តែលើលោកនេះគ្មានអ្វីឋិតថេរជាអមត:នោះទេ ហើយក៏មិនអាចឃាត់រឿងដែលមិនចង់ឲ្យកើតឡើងឲ្យវាឈប់កើតឡើងបានដែរ។ មុនរៀបអ្នកសាកសួរគាត់ទៅថា មានគំនិតយ៉ាងណាចំពោះរឿងនេះ? ព្រោះបើវាអាចកើតឡើងមែន អ្នកទាំងពីរអាចត្រៀមចិត្តបើកផ្លូវ និងផ្ដល់សេរីភាពឲ្យគ្នាទៅវិញទៅមក ហើយនៅតែអាចរក្សាទំនាក់ទំនងល្អជាមួយគ្នាបានរហូត៕

ចុចអាន៖សាកសេពគប់គ្នាជាសង្សារ ២-៣ ឆ្នាំសិន បើមានអារម្មណ៍ថាទាំងពីរនាក់មាន ៥ ចំណុច អាចរៀបការបាន

ប្រភព៖ hackspirit អត្ថបទ៖ Yu Ey