អត់ដឹងម៉េចសក់ចេះតែជ្រុះឡើងឃើញតែស្បែកក្បាល សាកអានអត្ថបទនេះ
- 2018-03-22 04:28:06
- ចំនួនមតិ 0 | ចំនួនចែករំលែក 0
អត់ដឹងម៉េចសក់ចេះតែជ្រុះឡើងឃើញតែស្បែកក្បាល សាកអានអត្ថបទនេះ
មនុស្សមិនតិចទេ ទាំងប្រុសទាំងស្រីកំពុងជួបបញ្ហារឿងជ្រុះសក់នេះ បើទោះខ្លះប្ដូរសាប៊ូកក់សក់ ឡើងអស់ពីផ្សារ ហើយរត់រកពេទ្យជំនាញឲ្យជួយក៏ដោយ ក៏នៅតែជួយមិនបាន។ ខ្លះជ្រុះសក់ឡើងស្ដើងមើលឃើញតែស្បែកក្បាល។
អ្វីក៏ដោយ មានហេតុ គឺមានផល។ ចង់កាត់បន្ថយបញ្ហានេះ ត្រូវដឹងមូលហេតុម៉េចបានសក់ជ្រុះមុនសិន។ ខាងក្រោមនេះ ជាមូលហេតុធ្វើឲ្យសក់ជ្រុះ និងវិធីការពារ៖
១. តានតឹងផ្នែករាងកាយ
របួសរាងកាយមួយចំនួន ដូចជា វះកាត់ គ្រោះថ្នាក់ចរាចរណ៍ ជំងឺធ្ងន់ធ្ងរ ឬសូម្បីតែជំងឺគ្រុនផ្ដាសាយក៏អាចបណ្ដាលឲ្យសក់ជ្រុះបានដែរ។ ប៉ុន្តែ ក្នុងករណីនេះ សក់នឹងចាប់ផ្ដើមដុះឡើងវិញ ពេលរាងកាយជាសះស្បើយ។
២. តានតឹងក្នុងអារម្មណ៍
បញ្ហាជីវិត ការងារ ប្រឡង ឬបាក់ទឹកចិត្ត ក៏អាចប៉ះពាល់ដល់ដំណើរលូតលាស់របស់សក់ផងដែរ ប៉ុន្តែជ្រុះសក់ដែលបណ្ដាលមកពីភាពតានតឹងនេះ មានតែមួយរយៈប៉ុណ្ណោះ បើអារម្មណ៍អ្នកល្អប្រសើរឡើងវិញ។
៣. មានផ្ទៃពោះ
មានផ្ទៃពោះ ជាឧទាហរណ៍មួយនៃភាពតានតឹងផ្នែករាងកាយ ដែលអាចបណ្ដាលឲ្យជ្រុះសក់ ដោយសារតែបម្រែបម្រួលអ័រម៉ូនក្នុងរាងកាយអំឡុងពេលមានផ្ទៃពោះ ប៉ុន្តែបន្ទាប់ពីសម្រាលកូនរួច អ័រម៉ូននឹងត្រលប់មកកម្រិតធម្មតា ហើយសក់នឹងត្រឡប់ទៅសភាពដើមវិញ។
៤. ខ្វះប្រូតេអ៊ីន
កង្វះជាតិប្រូតេអ៊ីនក្នុងរបបអាហារ អាចបង្កផលប៉ះពាល់ដល់ការលូតលាស់របស់សក់ ឬអាចឲ្យសក់ជ្រុះបាន ហើយបញ្ហានេះអាចកើតឡើងប្រហែល ២-៣ ខែ បន្ទាប់ពីការធ្លាក់ចុះប្រូតេអ៊ីនក្នុងរាងកាយ។ អាហារសម្បូរជាតិប្រូតេអ៊ីនមាន សាច់គោ-មាន់-ទា សាច់ជ្រូក (ចំឡក) គ្រឿងសមុទ្រ ទឹកដោះគោ (ជូរ) ស៊ុត សណ្ដែកខៀវ សណ្ដែកសៀង ជាដើម។
៥. បញ្ហាសុខភាព
ជំងឺក្រពេញទីរ៉ូអ៊ីត ជំងឺទឹកនោមផ្អែម កង្វះជាតិដែក និងជំងឺស្លេកស្លាំង ក៏បណ្ដាលឲ្យសក់ជ្រុះផងដែរ តែពេលជំងឺទាំងនេះ ព្យាបាលសះស្បើយ សក់នឹងដុះត្រលប់មកវិញ។
៦. ថ្នាំគីមី
ថ្នាំមួយចំនួនដែលគេប្រើដើម្បីប្រឆាំងនឹងជំងឺមហារីក អាចបណ្ដាលឲ្យសក់របស់អ្នកជ្រុះផងដែរ។
ក្រៅពីលក្ខខណ្ឌទាំងអស់នេះ មានទម្លាប់អាក្រក់មួយចំនួនដែលអ្នកធ្វើដោយមិនដឹងខ្លួន បណ្ដាលឲ្យសក់ជ្រុះ ដូចជា កក់សក់ញឹកញាប់ពេក ចងសក់តឹងពេក ផ្លុំសម្ងួតសក់រាល់ថ្ងៃ កៀប កិប អ៊ុតសក់ និងមូរសក់ដោយម៉ាស៊ីនកម្ដៅ ជាដើម។
ដើម្បីការពារ និងកាត់បន្ថយសក់ជ្រុះ អ្នកត្រូវ៖
បើមានសំណួរពាក់ព័ន្ធនឹងអត្ថបទនេះ ឬការថែរក្សាសុខភាព អាចទាក់ទងតាម៖
ចំណាំ៖ រាល់សប្ដាហ៍ កញ្ញា នឹងចេញផ្សាយអត្ថបទសុខភាពពីអ្នកជំនាញផ្នែកសុខភាពរបស់ទស្សនាវដ្ដី Healthwise Digest ពី DKSH៕