វិធីសម្គាល់ថាមិត្តប្រុសមានអារម្មណ៍បែបណាចំពោះអ្នក តាមរយៈការថើប

2018-03-22 02:56:03
ចំនួនមតិ 0 | ចំនួនចែករំលែក 0

ការថើបគឺជាសញ្ញានៃសេចក្ដីស្នេហារវាងមនុស្សពីរនាក់ដែលមិនអាចប្រកែកបាន តែពេលខ្លះរបៀបនៃការថើបរបស់គាត់អាចបង្ហាញពីអារម្មណ៍ដែលគាត់មានចំពោះអ្នកបាន។ ខាងក្រោមនេះអ្នកអាចសម្គាល់ការថើបរបស់មិត្តប្រុស ហើយមើលពីអ្វីដែលគាត់គិតបានមួយផ្នែក ៖

១. ឱបខ្លួនអ្នកហើយថើបថ្ពាល់ ឬច្រមុះ

នេះបង្ហាញថាគាត់មានអារម្មណ៍ចង់ស្និទ្ធស្នាលជាមួយអ្នកឲ្យកាន់តែខ្លាំង។ គាត់មានអារម្មណ៍ថាចង់ក្បែរអ្នក និងបង្កើនទំនាក់ទំនងដ៏ល្អមួយទៅថ្ងៃមុខជាមួយគ្នា។ គាត់ចង់ទទួលបានអារម្មណ៍កក់ក្ដៅពីអ្នក ទើបរាល់ពេលថើបគាត់តែងតែឱបអ្នកបែបនេះ។

រូបតំណាង

**២. ថើបសក់**

ជាការថើបដ៏កក់ក្ដៅមួយដែលចេញពីចិត្តរបស់គាត់។ ការថើបនេះវាហាក់ដូចជាឪពុកផ្ដល់មកឲ្យកូនដោយក្ដីស្រឡាញ់ ដូច្នេះគាត់មានអារម្មណ៍ថាស្រឡាញ់ អាណិត និងចង់ការពារអ្នកគ្រប់ពេលព្រោះអ្នកក្នុងចិត្តគាត់ដូចកូនក្មេងម្នាក់អីចឹង។ ការថើបបែបនេះគឺជាសញ្ញាដ៏ល្អមួយក្នុងទំនាក់ទំនងស្នេហា ព្រោះគាត់មានអារម្មណ៍ជាមួយអ្នកលើសពីស្រឡាញ់បែបគូសង្សារទៀតផង។

៣. ថើបថ្ងាស

នៅពេលដែលគាត់ថើបថ្ងាសអ្នកមានន័យថាគាត់ពិតជាមានអារម្មណ៍ល្អសម្រាប់អ្នក។ នេះជាការថើបបែបចាប់ផ្ដើមមួយនៃអារម្មណ៍របស់គាត់ ហើយបន្ទាប់មកគាត់នឹងកាន់តែចូលទៅជិតអ្នក។ វាជាជំហានដំបូងនៃការចាប់ផ្ដើមនៃការស្រឡាញ់ដ៏ល្អមួយ។

រូបតំណាង

៤. ថើបមាត់

ការថើបមាត់បង្ហាញពីអារម្មណ៍ដ៏ខ្លាំងមួយដែលគាត់មាន វាអាចជាការថើបរយៈពេលខ្លី ឬវែងទៅតាមអារម្មណ៍ដែលគាត់ចង់ទទួលបាន។ វាអាចមានន័យជ្រៅជាងការថើបផ្សេងៗ ព្រោះគាត់មានអារម្មណ៍ថាអ្នកជាមនុស្សពិសេសខ្លាំងសម្រាប់គាត់ ហើយគាត់ពេលខ្លះនឹងអាចមានអារម្មណ៍លើសពីនេះទៅទៀតនៅពេលដែលគាត់ចាប់ផ្ដើមថើបបបូរមាត់របស់អ្នក។

រូបតំណាង

៥. ពេលថើបគាត់ប៉ះត្រគាក ឬឱបចង្កេះអ្នក

ជាការឱបបែបចាស់ទុំមួយ ដែលបង្ហាញថាគាត់មានបទពិសោធន៍ច្រើនក្នុងរឿងស្នេហា។ គាត់មានភាពរ៉ូមែនទិចខ្លាំង តែខាងក្រៅគាត់មិនដែលបង្ហាញចេញមក។ អ្នកអាចនឹងទទួលបានអារម្មណ៍ល្អខ្លាំងជាមួយគាត់ តែពេលខ្លះវាអាចគ្រោះថ្នាក់ដែរ ព្រោះគាត់អាចមានអារម្មណ៍សិចខ្លាំងមកលើអ្នក៕