ហេតុផល ៥ យ៉ាង ស្រីៗគួរឈប់គិតពីរោមលើដងខ្លួន ព្រោះជាបញ្ហានាំឲ្យឈឺក្បាលប៉ុណ្ណោះ

2018-03-22 01:30:00
ចំនួនមតិ 0 | ចំនួនចែករំលែក 0

បញ្ហារោមច្រើនដុះលើដងខ្លួន ជាពិសេសក្រោមក្លៀកពិតជាធ្វើឲ្យមនុស្សស្រីឈឺក្បាលហាលថ្ងៃ ព្រោះត្រូវគិតពីវាមិនឈប់។ ពេលបានអានអត្ថបទខាងក្រោម អ្នកនឹងឈប់គិតពីរឿងនេះដោយហេតុផល ៥ យ៉ាងខាងក្រោម៖

១.ជាធម្មតារោមតែងតែដុះគ្រប់កន្លែង

មិនថាក្លៀក ឬនៅតំបន់សំខាន់នោះទេ វានឹងដុះមកនៅពេលអ្នកពេញវ័យ ហើយមនុស្សស្រីមួយណាក៏ជួបបញ្ហានេះដែរ។ បើសិនជាគ្មានរោមដុះលើដងខ្លួន មានន័យថាម្នាក់នោះមានបញ្ហា ឬជំងឺណាមួយជាក់ជាមិនខាន ដូចនេះមិនចាំបាច់ខ្វល់ខ្វាយទេ។

២.មិនត្រូវកោរ ទាំងអស់ទេ

អ្នកមិនចាំបាច់កោររោមដែលមានលើខ្លួនទាំងអស់នោះទេ ព្រោះមិនមានអ្វីខុសជាមួយនឹងធម្មជាតិ។ រាងកាយរបស់អ្នកជាជម្រើសរបស់អ្នក ចង់ទុក ឬមិនទុកក៏ជាសិទ្ធរបស់អ្នក មនុស្សជុំវិញខ្លួនគ្មានសិទ្ធនិយាយស្ដី ឬមកបង្គាប់បញ្ជាអ្វីទេ។

រូបតំណាង

**៣.វាមិនខុសលើនរណា**

កន្លងមកធ្លាប់មានតារាហូលីវូដជាច្រើន ហ៊ានបង្ហាញពីរោមក្លៀកដោយមិនរអាឡើយ។ ព្រោះអ្នកទាំងនោះគិតថា គ្រាន់តែមានវា មិនបានធ្វើខុសចំពោះនរណាផង ហេតុអ្វីចាំបាច់គិតពីវាច្រើនដល់ថ្នាក់នេះ។

៤.ទោះវាមិនទាក់ទាញ តែក៏មិនធ្វើឲ្យអ្នកតប់ប្រមល់

គ្មានមនុស្សស្រីណាទាក់ទាញ ព្រោះមានរោមក្លៀកនោះទេ តែសំខាន់មានវាក៏មិនបានធ្វើឲ្យអ្នកខ្វល់ខ្វាយគិតមុខគិតក្រោយមិនឈប់ដែរ។ ទុកវានៅកន្លែងដើមទៅ បើអ្នកមិនចង់ចំណាយពេលឈឺក្បាលជាមួយវា។

៥.អាចស្លៀកពាក់ខ្លីៗបាន

ហេតុអ្វីបានជាគិតថា មានរោមដៃរោមជើងវែង មិនអាចឲ្យអ្នកស្លៀកពាក់ខ្លីៗបញ្ចេញសាច់បាន។ នោះមិនមែនជារឿងដែលត្រូវខ្វល់ឡើយ បើខ្លាចថាស្លៀកពាក់ខ្លីមិនកើត ស្លៀកពាក់ជិតៗខ្លួនទៅ ជាជាងរកវិធីកម្ចាត់រោម ដើម្បីតែស្លៀកពាក់ខ្លីមួយឆាវ៕