ធ្វើចលនាសម្រួលសរសៃងាយៗនេះរាល់យប់ ធានាលែងពិបាកគេងទៀតហើយ!
- 2018-03-22 01:54:48
- ចំនួនមតិ 0 | ចំនួនចែករំលែក 0
ធ្វើចលនាសម្រួលសរសៃងាយៗនេះរាល់យប់ ធានាលែងពិបាកគេងទៀតហើយ!
អ្នកច្បាស់់់ជាមានអារម្មណ៍ថាចង់គេង នៅពេលដែលនឿយហត់ ឬអស់កម្លាំង ប៉ុន្តែជួនកាលវាក៏អាចប្រែទៅជាគេងមិនលក់វិញដែរ ប្រសិនបើអ្នកអស់កម្លាំងខ្លាំងពេក។ ប៉ុន្តែកុំបារម្ភ ចលនាទាំង ៤ខាងក្រោម នឹងជួយដោះស្រាយបញ្ហានេះបាន៖
ចលនាទី ១៖ គេងរាបលើកម្រាល ហើយលើកដៃទាំងពីរបញ្ឈរឡើងលើ (សម្រាលកម្លាំងដៃឲ្យអស់)។ បន្ទាប់មកលើកជើងទាំងពីរបញ្ឈរឡើងលើឲ្យត្រង់។ ចលនានេះធ្វើឲ្យឈាមដើរស្រួល កាត់បន្ថយការស្លាក់ខ្យល់ ល្អបំផុតសម្រាប់អ្នកដែលអង្គុយធ្វើការច្រើនម៉ោង។
ចលនាទី ២៖ អង្គុយលើផ្ទៃរាបធម្មតា ដាក់ខ្នងឲ្យត្រង់ ហើយលាជើងទាំងសងខាង។ ចូរប្រើកម្លាំងពីកជើងលាទៅមុខឲ្យអស់។
ចលនាទី ៣៖ គេងនៅលើផ្ទៃរាបស្មើ ហើយដាក់ជើងម្ខាងឲ្យត្រង់ ជើងម្ខាងទៀតអង្គុញឡើងមកជិតដងខ្លួន ដោយមានដៃទាំងពីរជួយទប់។
ចលនាទី ៤៖ អង្គុយបត់កង្កែប ហើយដាក់ដៃទាំងសងខាងលើភ្លៅ រួចផ្តេកខ្លួនទៅក្រោយបន្តិចម្តងៗរហូតរាបដល់ឥដ្ឋ។
អ្នកគួរចំណាយពេល ១នាទីក្នុងចលនានីមួយៗជារៀងរាល់យប់ ដើម្បីទទួលបានលទ្ធផល៕
ចុចអាន៖ធ្វើរឿងទាំងនេះមុនចូលគេងរាល់យប់ ជួយបង្កើនអាយុឱ្យអ្នករស់បានយូរ