Dating Idea ល្អៗសម្រាប់គូស្នេហ៍បង្កើនភាពផ្អែមល្ហែមដោយមិនចំណាយលុយច្រើន
- 2018-03-16 10:24:52
- ចំនួនមតិ 0 | ចំនួនចែករំលែក 0
Dating Idea ល្អៗសម្រាប់គូស្នេហ៍បង្កើនភាពផ្អែមល្ហែមដោយមិនចំណាយលុយច្រើន
ថ្ងៃឈប់សម្រាកគឺជាពេលវេលាពិសេសសម្រាប់គូស្នេហ៍ធ្វើការណាត់ជួប ឬភាសាអង់គ្លេសហៅថា Dating នោះ។ សម្រាប់ប្រិយមិត្តដែលមានអារម្មណ៍ធុញទ្រាន់មិនដឹងថាត្រូវចេញទៅណា ឬទៅធ្វើអ្វីជាមួយគូស្នេហ៍ក្រៅពីចេញទៅកន្លែងញ៉ាំអីធម្មតាៗ ខាងក្រោមនេះនឹងបង្ហាញពី Ideas ល្អៗមួយចំនួនសក្ដិសមនឹងគូស្នេហ៍យុវវ័យសម័យថ្មីដែលមិនត្រូវការចំណាយប្រាក់ច្រើន។ មើលទុកឲ្យហើយ ចាំថ្ងៃណាចាត់ការតែម្ដង!
១. Explore ដើររុករានកន្លែងណាមួយដែលគិតថាប្លែកសម្រាប់អ្នកទាំងពីរ
២. ហាងកាហ្វេ ជ្រើសរើសហាងកាហ្វេដែលមានបរិយាកាសល្អៗ ដើម្បីជជែកគ្នាពីនេះពីនោះក៏រ៉ូមែនទិកម្យ៉ាង
៣. ធ្វើការស្ម័គ្រចិត្ត គឺជាការណាត់ដែលមិនចំណាយប្រាក់ តែថែមទាំងបានធ្វើបុណ្យ និងទទួលបានការចងចាំល្អជាមួយគ្នាទៀត
៤. ជិះកង់ ថ្ងៃចុងសប្ដាហ៍នាំគ្នាជិះកង់កម្សាន្ត ក្រៅពីបានអារម្មណ៍ស្រស់ថ្លា ក៏បានសុខភាពដែរ
៥. ពិកនិក ប្រិយមិត្តនារីៗដែលចង់បង្ហាញថ្វីដៃនៃវិជ្ជាមេផ្ទះរបស់ខ្លួន គឺអាចបញ្ចេញបានបើមានឱកាសទៅពិកនិក
៦. មើលរឿង សាកល្បងស្វែងរករឿងណាមួយដែលចង់មើលជាមួយគូស្នេហ៍ ឬគេងមើលរឿងស្នេហាជាមួយគ្នា ក៏រ៉ូមែនទិកបាត់ទៅហើយ
៧. ធ្វើម្ហូប សាកល្បងសួរអំពីមុខម្ហូបដែលគូស្នេហ៍ចូលចិត្តហើយធ្វើឲ្យគេញ៉ាំ ឬធ្វើជាមួយគ្នាក៏ល្អ
៨. ដុតនំ ញ៉ាំចង្អាបហើយក៏ត្រូវមានបង្អែម ចង់បន្ថែមជាតិស្ករឲ្យស្នេហាអាចសាកល្បងធ្វើនំឬបង្អែមណាមួយជាមួយគ្នា
៩.ដើរផ្សារទំនើប ដើរមើលអីវ៉ាន់ មើលគេ មើលឯង
១០. ដើរលេង ទៅកន្លែងណាដែលមានបរិយាកាសល្អៗ អាចកាន់ដៃគ្នាដើរបានក៏ Sweet ដែរ
១១. ថតរូប រកកន្លែងណាមានទេសភាពស្អាតតិចទៅ ហើយយកកាមេរ៉ាទៅថតរូបឲ្យគ្នា ឬ Selfie ក៏ល្អ
១២. ប្រារព្ធថ្ងៃពិសេសៗ បើចំថ្ងៃពិសេស អាចញ៉ាំអាហារពេលល្ងាចជាមួយគ្នានៅផ្ទះ និងមាននំផ្លុំទៀនជាមួយគ្នាគឺរឹតតែពិសេស
១៣. លេងហ្គេម កុំឲ្យស្ត្រេសពេក អាចនាំគ្នាទៅលេងហ្គេម
១៤. ខារ៉ាអូខេ នាំគ្នាទៅច្រៀងបទចម្រៀងស្នេហារ៉ូមែនទិក បើអ្នកច្រៀងពីរោះទៀតគឺរឹតតែពិសេស
១៥. លេងហ្គីតា បើជាអ្នកស្រឡាញ់តន្ត្រី អាចរៀនហ្គីតា ហើយលេងហ្គីតាតែពីរនាក់
១៦. លេងកីឡា កីឡានាំមកនូវសុខភាព សប្បាយជាមួយគ្នា សុខភាពល្អជាមួយគ្នា ៕