ពាក់អាវជាន់ជាមួយតារាចិន Song Hye Kyo ត្រូវវាយតម្លៃថាស្អាតចាញ់គេដាច់

2018-03-16 05:41:44
ចំនួនមតិ 0 | ចំនួនចែករំលែក 0

ជាមួយរាងស្គម ស្ដើង ហើយខ្ពស់ទៀតនោះ តារាសម្ដែងស្រីចិន Jing Tian ត្រូវបានគេវាយតម្លៃថាស្អាតជាងរៀមច្បង Song Hye Kyo ពេលពាក់អាវជាន់គ្នា។

នៅពេលដែលតារាជួរមុខស្លៀកពាក់ជាន់សំលៀកបំពាក់គ្នា ជាធម្មតាគឺពិបាករកឃើញឈ្នះចាញ់ខ្លាំងណាស់។ យ៉ាងណក្ដី កាលពីពេលថ្មីៗនេះ កំពូលតារាសម្ដែងកូរ៉េ Song Hye Kyo ត្រូវបានគេវាយតម្លៃថា បានត្រូវតារាស្រករក្រោយវ៉ាមុខនៅពេលពាក់អាវក្រៅជាន់គ្នា។

ជាក់ស្ដែង កាលពីថ្ងៃទី១៣ ខែមីនាមុននេះ តារាសម្ដែងស្រីកំពុងល្បីឈ្មោះ Jing Tian បានបង្ហាញមុខក្នុងសន្និសីទមួយ ដែលនៅទីនោះ នាងបានពាក់អាវក្រៅទើបចេញថ្មីរបស់ម៉ាក Dior។ អ្វីដែលគួរឲ្យចាប់អារម្មណ៍នោះគឺ កាលពីខែកន្លងទៅ តារាសម្ដែងជួរមុខកូរ៉េ Song Hye Kyo ក៏បានពាក់អាវនេះដូចគ្នា។

ខុសពីសព្វមួយដង ដែលតែងតែស្អាតជាងអ្នកដែលពាក់អាវជាន់ជាមួយខ្លួននោះ នៅលើកនេះ ប្រពន្ធ Song Joong Ki ត្រូវទស្សនិកជនវាយតម្លៃថាស្អាតចាញ់តារាចិននោះទេ។ ខណៈ Jing Tian ពាក់អាវបែបព្រលែង មើលទៅសិចស៊ីនោះ តួរឿង "ម្ចាស់ព្រះអាទិត្យ" បែរជាបិទឡេវឡើងជិតអស់ ធ្វើឲ្យនាងមើលទៅចាស់ជាងមុន៕