អាយុច្រើនក៏ “មិនចាស់” ឲ្យតែអ្នកមានទម្លាប់រស់នៅបែបនេះ

2018-03-15 09:33:42
ចំនួនមតិ 0 | ចំនួនចែករំលែក 0

ដើម្បីឲ្យខ្លួនឯងមើលទៅក្មេងបានយូរនោះ អ្នកមិនអាចថែរក្សាតែរូបរាងខាងក្រៅនោះទេ ប៉ុន្តែត្រូវបំប៉ន និងថែរក្សាឲ្យបានល្អដែរសម្រាប់សុខភាពរាងកាយ និងសុខភាពផ្លូវចិត្ត។ បើអ្នករស់នៅដោយមានក្ដីសុខ នោះសម្រស់គឺនឹងចេញមកដោយឯកឯង។ ខាងក្រោមនេះនឹងប្រាប់ពីវិធីសាស្ត្រទាំងឡាយដែលអាចជួយរក្សាភាពក្មេងជាងវ័យរបស់អ្នកឲ្យនៅបានយូរ៖

រូបតំណាង

១. រក្សាទម្ងន់កុំឲ្យធាត់ពេក ឬស្គមពេក

២. ផឹកទឹកស្អាត

៣. មិនដើរហាលក្ដៅ លាបក្រែមការពារកម្ដៅ បាំងឆត្រ ។ល។

៤. កុំ Make-up ក្រាស់ពេក កុំគួរកន្ទុយភ្នែកពណ៌ខ្មៅ កុំពាក់រោមភ្នែក

៥. កុំវិលវល់ជាមួយរឿងអតីត

៦. កុំស្លៀកសម្លៀកបំពាក់ដដែលៗ សាកល្បងស្លៀកសម្លៀកបំពាក់បែបថ្មីខ្លះ

៧. មិនខ្លាចបច្ចេកវិទ្យា

៨. ធ្វើធ្មេញឲ្យស្អាត និយាយរួមសុខភាពធ្មេញត្រូវតែល្អ

៩. ដៃជើង ក្រចកដៃក្រចកជើងត្រូវតែស្អាតល្អ

១០. កុំពាក់ខ្សែក ឬខ្សែដៃមាស

១១. ដើរ អង្គុយឲ្យត្រង់ខ្លួន មានជំនឿជាក់លើខ្លួនឯង

១២. ហាត់ប្រាណល្មមៗរាល់ថ្ងៃ

១៣. ដកដង្ហើមចូលវែងៗ ហើយដកចេញយឺតៗ

១៤. រក្សាស្នាមញញឹមជានិច្ចទោះបីគ្មានអ្នកណាមើល

រូបតំណាង

១៥. មានស្នេហា

១៦. មានក្ដីសង្ឃឹម មានក្ដីស្រមៃ និងមានការស្រមើស្រមៃ

១៧. តាមដានព័ត៌មាន មានប្រយោជន៍ និងទាន់សម័យកាល

១៨. កុំនិយាយស្ដីអសុរស

១៩. ចេះនៅស្ងៀម និងស្ដាប់អ្នកទៃខ្លះ

២០. នៅពេលគ្មានអីធ្វើ កុំនាំគ្នាដើរលេងយប់ជ្រៅ តែគួរចំណាយពេលគេងសម្រាក ដើម្បីឲ្យក្រោកឡើងពេលព្រឹកមានអារម្មណ៍ស្រស់ថ្លា

២១. កុំរវីរវល់រឿងអ្នកដទៃ កុំនិយាយដើម និយាយអាក្រក់ពីអ្នកដទៃ

២២. រស់នៅជាមួយបច្ចុប្បន្ន គិតដល់អនាគត បំភ្លេចអតីត

២៣. ធ្លាក់ក្នុងអន្លង់ស្នេហ៍ប្ដី ឬប្រពន្ធខ្លួនឯងញឹកញាប់ និងផ្អែមល្ហែមរាល់ថ្ងៃ

២៤. ចំណាយលុយដើម្បីខ្លួនឯង

២៥. មើលថែខ្លួនឯងឲ្យបានល្អ កុំមើលងាយខ្លួនឯងថាចាស់ហើយ លែងមានអ្វីសំខាន់

២៦. ឧស្សាហ៍លេងសើច កំប្លុកកំប្លែង

២៥. សើចឲ្យបានច្រើន ហើយឮៗ

២៦. រៀននិយាយបដិសេធ មិនធ្វើ មិនទៅ មិនចង់បាន ចំពោះអ្វីដែលខ្លួនមិនចូលចិត្ត មិនចង់បាន ឬទីកន្លែងដែលខ្លួនមិនចង់ទៅដោយមិនចាំបាច់មានហេតុផល ឬក្រែងចិត្តអ្នកណា។

២៧. នៅជាមួយអ្នកណាម្នាក់ហើយស្ត្រេស រឿងច្រើន នឹងធ្វើឲ្យបេះដូងលោតកាន់តែញាប់ ឬខុសចង្វាក់ព្រោះអារម្មណ៍អ្នកមិនល្អ ដូច្នេះគួរព្យាយាមនៅឲ្យឆ្ងាយពីមនុស្សទាំងអស់នេះ។

២៨. កុំចូលទៅក្នុងសង្គមដែលធ្វើឲ្យខ្លួនឯងមានអារម្មណ៍ថាពិបាក បើទោះបីសង្គមនោះល្អ ឬមានកេរ្តិ៍ឈ្មោះល្អប៉ុណ្ណាក៏ដោយ។

២៩. មានមិត្តជិតស្និទ្ធតិចតួច ល្អជាងមានមិត្តច្រើនតែគ្មានអ្នកស្និទ្ធ។

៣០. ឈប់គិតចង់ឲ្យអ្នកដទៃយល់ពីយើង។ អ្នកណាមិនយល់ក៏បណ្ដោយតាមគេទៅ ព្រោះយើងមិនទំនេរ គ្មានពេល និងមិនចង់គិតច្រើននាំចាស់។

៣១. ស្វែងរកចំណេះដឹង និងហាត់ជំនាញថ្មីៗ មិនបាច់ឲ្យពូកែ តែឲ្យតែធ្វើហើយសប្បាយចិត្ត។

៣២. កុំចាត់ទុកលាភសក្ការៈ យសសក្ដិជាធំ។

អ្នកអានគ្រប់បន្ទាត់មិនរំលងដល់ចំណុចនេះ បង្ហាញថាតាំងចិត្តថាមិនចង់ចាស់ ពិតប្រាកដហើយ ដូច្នេះអានហើយកុំភ្លេចអនុវត្តផងទើបទទួលបានផល ៕ ចុចអាន៖

ប្រភព៖ khitpen ប្រែសម្រួល៖ ស្វាយ វ៉ាន់ថន