Yang Mi ស្អាតដាច់គេ ឯសង្សារ Luhan ស្លៀករ៉ូបដូចសំណាញ់បង់ត្រីលើកម្រាលព្រំក្រហម

2018-03-15 04:06:44
ចំនួនមតិ 0 | ចំនួនចែករំលែក 0

កម្រងតារាល្បីឈ្មោះចិនជាច្រើន បានបង្ហាញខ្លួននៅលើកម្រាលព្រំក្រហមក្នុងកម្មវិធីដ៏ធំប្រចាំឆ្នាំកាលពីពេលថ្មីៗនេះ។

កាលពីល្ងាចថ្ងៃទី១៣ខែមីនា កម្មវិធីមហោស្រពភាពយន្តទូរទស្សន៍ត្រូវបានប្រព្រឹត្តឡើងយ៉ាងអ៊ឹកធឹកនៅទីក្រុងប៉េកាំង ប្រទេសចិន។ កម្មវិធីនេះប្រមូលផ្ដុំដោយតារាកំពុងល្បីឈ្មោះជាច្រើនដូចជា Yang Mi, Guan Xiao Tong និង Peter Ho ជាដើម។

ក្រៅពីវត្តមានរបស់តារាជាច្រើនដែលធ្វើឲ្យកម្មវិធីទទួលបានការចាប់អារម្មណ៍នោះ សំលៀកបំពាក់របស់ស្រីស្អាតទាំងឡាយនៅកម្រាលព្រំ ក៏ទាក់ទាញទស្សនិកជនមិនតិចដែរ។ តារាស្រីដែលត្រូវបានគេសរសើរថាស្អាតជាងគេក្នុងកម្មវិធីនោះគឺ អ្នកម្ដាយកូន១ Yang Mi ព្រោះរ៉ូបរបស់នាងធ្វើឲ្យនាងមើលទៅមិនខុសពីព្រះនាងនោះឡើយ។

ផ្ទុយមកវិញ តារាសម្ដែងវ័យក្មេង Guan Xiao Tong សង្សាររបស់តារាចម្រៀង Luhan ធ្វើឲ្យគេមានចម្ងល់ជាខ្លាំង មិនដឹងថាកំពុងស្លៀកអ្វី ខណៈនាងស្លៀករ៉ូបហើយ មានខោពីក្នុងទៀត។ ទស្សនិកជនបានលាន់មាត់ថា រ៉ូបរបស់នាងធ្វើឲ្យគេស្រម៉ៃឃើញស្បៃបង់ត្រីរបស់អ្នកនេសាទ៕