ពេលមនុស្សស្រីអស់ការអត់ទ្រាំ នាងនឹងធ្វើរឿងទាំងនេះចេញមក

2018-03-14 03:37:34
ចំនួនមតិ 0 | ចំនួនចែករំលែក 0

ភាពស្មុគស្មាញ ការប្រឈមមុខនឹងបញ្ហាពិបាកៗម្នាក់ឯង អាចធ្វើឲ្យមនុស្សស្រីមួយចំនួនធុញថប់ រហូតអស់លទ្ធភាពគ្រប់គ្រងអារម្មណ៍ខ្លួនបាន ឬហៅថាអស់ការទ្រាំ។ ក្នុងដំណាក់កាលនោះ នាងប្រាកដជាបញ្ចេញនូវទង្វើទាំង ៩ នេះ។

១.នាងមិនខ្វល់ថា តើនរណាចូលចិត្តនាង ឬអត់ទេ។ គោលបំណងសំខាន់របស់មនុស្សស្រីនៅពេលនោះ គឺចង់នៅស្ងាត់ម្នាក់ឯងដោយមិនចង់ដឹងឮអ្វីទាំងអស់។

រូបតំណាង

**២**.នារីម្នាក់ដែកពិបាកចិត្តរហូតទ្រាំលែងបាន នឹងក្លាយជាមនុស្សទ្រគោះបោះបោក។ តែមុនពេលនិយាយបែបនោះ អ្នកគួរតែស្វែងរកពីមូលហេតុនៅពីក្រោយខ្នងសិន។

៣.មនុស្សស្រីដែលឈានដល់ដំណាក់កាលបែបនេះ នឹងលែងភ័យខ្លាចការប៉ះទង្គិចអ្វីមួយមកលើផ្លូវចិត្តនាងទៀតហើយ។

៤.នាងមិនភ័យខ្លាចក្នុងការឲ្យអ្នកជុំវិញខ្លួនចាកចេញឡើយ ហើយ នាងក៏មិនខ្លាចក្នុងការបញ្ឈប់ទំនាក់ទំនងជាមួយមនុស្សសំខាន់ដែលមិនបានបន្ថែមអ្វីមួយដ៏ប្រសើរមកក្នុងជីវិតរបស់នាងដែរ។

៥.នារីដែលមានអាការៈតានតឹងជ្រុលម្នាក់នោះ នឹងមិនសប្បាយចិត្តគ្រប់ពេលវេលា នាងលែងមានភាពល្អឥតខ្ចោះសម្រាប់អ្នកដទៃទៀតហើយ។

៦.គោលដៅរបស់នាង គឺមិនអាចសម្រេចឆាប់ៗនេះបាន ដោយសារតែចិត្តលែងមានលំនឹង។

៧.នាងនឹងមានភាពស្មោះត្រង់ចំពោះអារម្មណ៍ខ្លួន ដែលកន្លងមកមិនហ៊ានធ្វើតាមវា ព្រោះខ្លាចប៉ះពាល់ដល់អារម្មណ៍អ្នកដទៃ។

៨.នាងផ្លាស់ប្ដូរច្រើនខ្លាំងណាស់ ដោយខុសពីមុនដាច់តែម្ដង ធ្វើដូចជាមនុស្សពីរនាក់ផ្សេងគ្នា។

៩.នាងមិនយកចិត្តទុកដាក់ទេ ទោះជានរណានិយាយអ្វីពីនាងក៏ដោយ៕

ចុចអាន៖មនុស្សមានការចងចាំល្អខ្លាំងពេក ក៏អាចមានទុក្ខច្រើនជាងគេដែរ

ប្រភព៖ thoughtcatalog ប្រែសម្រួល៖ ទ្រី រ៉ាវី