នារីៗចង់ happy ដោយមិនចាំបាច់មានសង្សារក៏បាន គ្រាន់តែធ្វើរឿងតូចតាចទាំងនេះ
- 2018-03-07 08:44:42
- ចំនួនមតិ 0 | ចំនួនចែករំលែក 0
នារីៗចង់ happy ដោយមិនចាំបាច់មានសង្សារក៏បាន គ្រាន់តែធ្វើរឿងតូចតាចទាំងនេះ
នរណាថាមនុស្សស្រីមើលទៅសប្បាយចិត្ត ទាល់តែមានសង្សារ? មិនពិតឡើយ បើធ្វើរឿងទាំងនេះបាន នោះជីវិតនឹងរីករាយរហូត។ ខាងក្រោមជាបញ្ជីឈ្មោះរឿងដែលស្រីៗគួរធ្វើ ដើម្បីទទួលបានជីវិតស្រស់ថ្លា៖
១.ញ៉ាំការ៉េម៖ ឧស្សាហ៍ញ៉ាំការ៉េមអាចជួយឲ្យអ្នករីករាយដោយសារភាពត្រជាក់ និងរសជាតិផ្អែមរបស់វា។
២.ស្រូបខ្យល់បរិសុទ្ធនៃសមុទ្រ៖ បើបានទៅលេងសមុទ្រញឹកញាប់ អ្នកនឹងញញឹមរហូត ព្រោះទទួលបានអារម្មណ៍ជ្រះស្រលះ និងបានបង្កើតអនុស្សាវរីយ៍ច្រើន។
៣.ទៅលេងមិត្ត៖ ប្រសិនបើអ្នកមានអារម្មណ៍ថាឃ្លាតឆ្ងាយពីមិត្តអស់រយៈពេលយូរមកហើយ គួរតែទៅលេងពួកគេឲ្យបានច្រើនបន្តិច ដើម្បីរំលឹករឿងកន្លងមក។
៤.រាំលេង៖ នៅក្នុងបន្ទប់បិទទ្វារ បង្អួតឲ្យជិត ហើយរាំតាមបទដែលខ្លួនស្រលាញ់។
៥.ចម្អិនអាហារ៖ គារចម្អិនអាហារអាចធ្វើឲ្យអ្នកមានអារម្មណ៍ល្អ ព្រោះជាការធ្វើផ្ទាល់ដៃ ហើយអង្គុយញ៉ាំយ៉ាងសោយសុខម្នាក់ឯង។
៦.លេងជាមួយសត្វចិញ្ចឹម៖ ទោះជាគ្មានសង្សារប្រឡែងលេងក៏ពិតមែន តែសត្វចិញ្ចឹមគួរឲ្យស្រលាញ់ដូចជាឆ្កែ ឆ្មារ នឹងធ្វើឲ្យអ្នកអស់សំណើចមិនដឹងខ្លួន ដោយសារភាពក្រមិចក្រមើម។
៧.ច្រៀងពេលងូតទឹក៖ នេះជាសេចក្ដីសុខដែលមនុស្សស្រីម្នាក់ៗអាចធ្វើបានយ៉ាងងាយ។
៨.ទៅអង្គុយចាំមើលថ្ងៃរះ/លិច៖ មួយឆាកជីវិតមនុស្សតើអាចអង្គុយគយគន់មើលថ្ងៃរះ ឬក៏លិចនេះប៉ុន្មានដងទៅ? វេលាបែបនេះនឹងធ្វើឲ្យអ្នកមានសង្ឃឹមខំប្រឹងតស៊ូក្នុងជីវិតរស់នៅបន្តទៀត។
៩.មើល album រូបថតចាស់ៗ៖ អ្នកនឹងអស់សំណើចខ្លាំងៗ ពេលឃើញរូបអ្នក គ្រួសារ ឬមិត្តភ័ក្ដិកាលពីមុន។ ព្រោះរូបខ្លះកាយវិការ ក៏ដូចជាទឹកមុខគួរឲ្យខ្នាញ់ពេក។
១០.ទៅហាត់ប្រាណ៖ វិធីនេះអាចជួយឲ្យអារម្មណ៍ធូរស្បើយហើយ កម្ចាត់ភាពតប់ប្រមល់ក្នុងខ្លួនបានថែមទៀតផង។
១១.ជិះកង់ដើរលេង៖ អ្នកអាចរំសាយអារម្មណ៍ ដោយការជិះកង់ដើរលេងជុំវិញ ឬចេញពីទីក្រុង ដើម្បីឲ្យស្រឡះមុខមាត់។
១២.ទៅលេងហ្គេម៖ នៅតាមផ្សារទំនើបមានទូហ្គេម សម្រាប់បន្ធូរអារម្មណ៍ច្រើនណាស់ដូចជាបាល់បោះ ចាប់តុក្កតា រាំ ប្រណាំងម៉ូតូ/ឡាន...។
១៣.ទៅពិចនិច៖ ការធ្វើបាយម្ហូបមួយចានស្រាក ហើយយកកន្ទេល ឬកម្រាលទៅញ៉ាំអាហារនៅកន្លែងដែលមានទេសភាពស្រស់ស្អាត នឹងជួយឲ្យអ្នកស្រស់ថ្លា។
១៤.សើចឲ្យខ្លាំងៗ៖ អស់សំណើចរឿងអី ឬនៅកន្លែងណា ក៏សើចឲ្យឮៗទៅ ព្រោះវាពិតជាធូរស្រាលក្នុងខ្លួនណាស់៕
ចុចអាន៖ស្នេហាជាអ្វីដែលស្រីៗត្រូវការបំផុត? No ៦ យ៉ាងនេះទើបជារបស់នារីឆ្លាតចង់បាន