តារាភេទទី ៣ Yoshiមិនខ្លាចបង្ហាញធាតុពិតដើម្បីឈ្នះការប្រកួត Miss International Queen

2018-02-26 04:40:47
ចំនួនមតិ 0 | ចំនួនចែករំលែក 0

កាលពីឆ្នាំ ២០១៧ កន្លងទៅ Yoshi Rinrada Thurapan បានគ្រងតំណែងខ្ពស់បំផុតជាបវរកញ្ញាឯក Miss Tiffany ម្តងរួចមកហើយ តែសម្រាប់ឆ្នាំនេះវិញ នាងបានធ្វើការតាំងចិត្តយ៉ាងមោះមុតជាថ្មីថា នឹងយកធាតុពិតដែលនាងមានក្នុងខណៈនេះ យកឈ្នះការប្រកួត Miss International Queen ឲ្យបាន។

សព្វថ្ងៃ Yoshi មានអាយុ ២០ឆ្នាំ កំពុងបន្តការសិក្សាឆ្នាំទី ៣ផ្នែកទំនាក់ទំនងសិល្បៈ នៅឯសាកលវិទ្យាល័យបាងកក។ Yoshi និយាយថានាងមានគោលដៅច្បាស់លាស់ក្នុងការសម្រេចលើអនាគតរបស់ខ្លួនទាំងចំពោះការសិក្សា និងវិស័យសិល្បៈ។ ចំណែកឯការវិវឌ្ឍន៍ខ្លួនក្លាយជាតារាស្រីដែលមានប្រជាប្រិយភាពបណ្តើរៗនេះ នាងនិយាយថាវាស្មើនឹងបើកបង្ហាញធាតុពិតរបស់ខ្លួនដើម្បីឲ្យសង្គមទទួលស្គាល់ នាងមិនភ័យខ្លាចឡើយ នឹងប្រាប់អ្នកដទៃពីអតីតកាលរស់នាង។

Yoshi បន្តទៀតថា វាពិតជាលំបាកក្នុងការហ្វឹកហាត់ទាំងកម្លាំងកាយ និងកម្លាំងចិត្តដើម្បីពុះពារជាមួយឧបសគ្គរហូតបានសម្រេចជោគជ័យដូចដែលបានឃើញសព្វថ្ងៃ តែនាងមិនបញ្ឈប់ត្រឹមនេះឡើយ នាងនឹងបង្កើនភាពជឿជាក់របស់ខ្លួនឲ្យខ្លាំងជាងមុនទៀតដើម្បីយកជ័យជំនះ Miss International Queen ឆ្នាំ ២០១៨ឲ្យបាន។

គួរបញ្ជាក់ផងដែរថាកម្មវិធីប្រកួតបវរកញ្ញាឯក Miss International Queen នឹងប្រព្រឹត្តទៅនៅថ្ងៃទី ៣មិនា ក្នុងទីក្រុងប៉ាតាយ៉ា ប្រទេសថៃ ដោយមានការចូលរួមពី ២៨ប្រទេសផ្សេងគ្នាជុំវិញពិភពលោក៕

ទស្សនាវីដេអូខាងក្រោម