មិនមែនចេះសម្ដែង ច្រៀង រាំទេ តារាស្រីទាំងនេះពូកែ Makeup ដូចអ្នកជំនាញអ៊ីចឹង!
- 2018-02-21 04:04:17
- ចំនួនមតិ 0 | ចំនួនចែករំលែក 0
មិនមែនចេះសម្ដែង ច្រៀង រាំទេ តារាស្រីទាំងនេះពូកែ Makeup ដូចអ្នកជំនាញអ៊ីចឹង!
ក្នុងនាមជាតារាស្រីល្បីឈរជើងនៅលំដាប់ហូលីវូដបាន មិនអាចចេះត្រឹមតែសម្ដែងមួយមុខទេ អ្នកខ្លះមានជំនាញដើរម៉ូដ តែងនិពន្ធ និងដឹកនាំដោយខ្លួនឯងថែមទៀតផង។ អ្នកខ្លះគិតថាខ្លួនជាតារាមានក្រុមការងារតុបតែងមុខ ខ្លួន និងរៀបចំសម្លៀកបំពាក់ឲ្យរួចជាស្រេច មិនចាំបាច់ខ្វល់ខ្វាយរឿងទាំងនេះទេ។ ផ្សេងពីស្រីៗជាតារាដូចគ្នា អ្នកទាំង ១០ ដែល កញ្ញា បង្ហាញជូននូវខាងក្រោមនេះ គឺពួកគេមានជំនាញផាត់មុខ ដោយអាចធ្វើបានដូចអ្នកអាជីព ទាំងចំណូលរកពីវិស័យសិល្បៈបានរាប់លានដុល្លារក្នុងមួយឆ្នាំៗក៏ដោយ ក៏តារាស្រីៗដូចជា Kylie Jenner Zendaya Shakira នៅតែស្រលាញ់ជំនាញ Makeup នេះមួយទៀតដែរ។
១.Zendaya ដែលជាតួឯកស្រីក្នុងរឿង "Spider-Man: Homecoming” គឺជាអ្នកជំនាញដែលឧស្សាហ៍ចេញវីដេអូបង្រៀនពីរបៀបផាត់មុខនៅតាម youtube។ មិនតែប៉ុណ្ណោះក្នុងកម្មវិធីកម្រាលព្រំក្រហមភាគច្រើននាង Makeup ដោយខ្លួនឯង។
២. Kylie Jenner ព្រោះតែពូកែនឹងជំនាញនេះ ធ្វើឲ្យនាងរកចំណូលបានយ៉ាងក្រាស់ក្រែលពី Snapchat និងសម្រេចចិត្តផលិតគ្រឿងសម្អាងយីហោខ្លួននាងតែម្ដង។
៣.Rosie Huntington-Whiteley ដែលជាតួស្រីសំខាន់ក្នុងរឿង "Mad Max: Fury Road " មិនត្រឹមតែពូកែបង្ហាញម៉ូដប៉ុណ្ណោះទេ ខាងតុបតែងមុខនេះក៏មិនណយដែរ ហើយនាងចូលចិត្តបង្ហោះវីដេអូនៅ Snapchat និង Instagram។
៤.Ashley Tisdale នៅក្នុងកម្មវិធីសម្ពោធរឿង " Mother’s Day” នាងបានធ្វើឲ្យគ្រប់គ្នាភ្ញាក់ផ្អើលយ៉ាងខ្លាំង ព្រោះសម្រស់ដ៏ស្រស់ស្អាត គឺជាស្នាដៃ Makeup ខ្លួននាងផ្ទាល់។
៥.Shakira យោងតាមការសម្ភាសន៍ជាមួយ InStyle មិត្តស្រីរបស់កីឡាករ Gerard Piqué ស្រលាញ់សម្រស់ណាស់ ហើយច្រើនតែធ្វើការតុបតែងខ្លួនឯងសម្រាប់ការប្រគំតន្ត្រី និងការបង្ហាញខ្លួនលើកម្រាលព្រំក្រហម។
៦.Blake Lively ធ្លាប់ប្រាប់ The Cut ថាពេលខ្លះនាងចូលចិត្តធ្វើសក់ និងតុបតែងមុខដោយខ្លួនឯងសម្រាប់កម្មវិធីធំៗ ព្រោះជារឿងដ៏សប្បាយរីករាយ។
៧.Kate Middleton មហេសីរបស់ព្រះអង្គម្ចាស់ William បានជ្រើសរើសការផាត់មុខខ្លួនឯងនាថ្ងៃមង្គលការដែលមានមនុស្សរាប់លាននាក់ចាំមើល។
៨.Lauren Conrad ត្រូវបានគេដាក់រហស្សនាមថា The queen of DIY ដោយនាងមាន style តុបតែងខ្លួនប្លែក និងស្រស់ស្អាតរហូត។
៩.Olivia Palermo សមាជិកគ្រួសារមិនថាប្ដី ឬសត្វសុនខនៅក្នុងផ្ទះ គឺនាងជាអ្នករៀបចំ និងតុបតែងខ្លួនឲ្យទាំងអស់។
១០.Karlie Kloss ជាតារាបង្ហាញម៉ូដលំដាប់មុខរបស់ Victoria's Secret Angel ហើយនាងចូលចិត្ត Makeup ខ្លួនឯង និងឲ្យមិត្តភ័ក្ដិ គឺTaylor Swift ៕
ចុចអាន៖រូបរាង «ធាត់» មិនអាចរារាំងភាពស្រស់ស្អាត និងល្បីល្បាញរបស់តារាស្រី ៥ រូបនេះឡើយ