ទម្លាប់ដែលត្រូវលះបង់ បើអ្នកចង់ក្លាយជាមនុស្សម៉ឺងម៉ាត់មានគេគោរពនៅកន្លែងធ្វើការ

2018-02-20 07:38:57
ចំនួនមតិ 0 | ចំនួនចែករំលែក 0

ទោះជាឋានធំក៏ដោយ បើមានចរិតរលីមរលាមនៅកន្លែងធ្វើការ គ្មាននរណាគេគោរពឡើយ។ តែបើអ្នកមានតួនាទីទាប តែចរិតម៉ឺងម៉ាត់អ្នករួមការងារបែរជាគោរពវិញ។ ដូចនេះគួរលះបង់ទម្លាប់ ៤ យ៉ាងនេះចេញ បើចង់ឲ្យគេគោរពនៅកន្លែងការងារ៖

១.ជៀសវាងការយឺតយ៉ាវ

ខណៈពេលដែលការយឺតយ៉ាវសម្រាប់ការងារម្ដងម្កាល គឺមិនជាអ្វីទេ។ ប៉ុន្តែបើអ្នកតែងតែយឺតយ៉ាវ នោះទាំងថ្នាក់លើ ថ្នាក់ក្រោម គឺមិនឲ្យតម្លៃអ្នកដាច់ខាត។ បើអ្នកតែងបង្ហាញខ្លួនទាន់មិនពេលទេ តើចៅហ្វាយអាចជឿទុកចិត្តលើការងារដែលដាក់ឲ្យធ្វើបានដោយរបៀបណា។

រូបតំណាង

**២.ការងារហួសពេលកំណត់**

ការងារខ្លះថ្នាក់លើអាចពន្យារពេលឲ្យបាន តែនោះបើគេសង្កេតឃើញថាអ្នកព្យាយាមដល់ចំណុចកំពូលហើយ។ តែបើការងារខ្លះវិញ កំណត់ពេលណា គឺយកពេលនោះ ហើយបើធ្វើមិនទាន់ ការងារក្រោយគ្មាននរណាដាក់ឲ្យធ្វើទៀតទេ។

៣.កុំទម្លាប់និយាយកុហក

បើការងារធ្វើមិនបានល្អ កុំរកលេសនេះលេសនោះមកដោះសា។ ទទួលស្គាល់ការពិត និងព្យាយាមអភិវឌ្ឍកំហុស ទើបអ្នកមានឱកាសរីកចម្រើន។

៤.កុំឃុបឃិតគ្នា

ប្រសិនបើអ្នកចង់រក្សាទំនាក់ទំនងជាមួយអ្នករួមការងារ ទាំងដឹងថាគេធ្វើខុសមិនរាយការណ៍ ឬ Feadback អ្វីទេ នោះបានន័យថាអ្នកមិនចង់ឲ្យក្រុមហ៊ុនរីកចម្រើន។ សុខចិត្តនិយាយពាក្យពិតឲ្យគេស្អប់ ជាជាងនិយាយពាក្យមិនពិតនាំគេអន្តរាយ៕