តិចអត់ជឿ! ទាយចរិតមនុស្សត្រូវម៉ាច់ៗ គ្រាន់តែមើលមេដៃពេលក្ដាប់បាតដៃ

2018-02-18 00:50:00
ចំនួនមតិ 0 | ចំនួនចែករំលែក 0

មនុស្សភាគច្រើនជឿថាទ្រង់ទ្រាយនៃអវៈយវៈមនុស្សអាចប្រាប់ពីអត្តចរិតនិងស្ថានភាពសុខភាពបាន។ ដូចគ្នាដែរ របៀបនៃការក្ដាប់ដៃហើយលើកមេដៃឡើងរបស់អ្នកក៏នឹងអាចប្រាប់ថា អ្នកជាមនុស្សបែបណាឱ្យពិតប្រាកដបាន។ មិនជឿ សាកល្បងធ្វើ ហើយអានចំណុចខាងក្រោមនេះមើល ថាត្រូវបានប៉ុន្មានភាគរយ?

មេដៃលើកឡើងត្រង់

សម្រាប់បុគ្គលិកលក្ខណៈផ្ទាល់ខ្លួន អ្នកជាមនុស្សសុចរិត។ អ្នកតែងឈរនៅកណ្ដាល ប្រកាន់តែភាពត្រឹមត្រូវ មិនចូលចិត្តលម្អៀងដោយគ្មានគោលការណ៍ខ្លួនឯងច្បាស់លាស់។ មួយទៀត អ្នកជាមនុស្សដែលមានជំនឿចិត្តខ្ពស់។

សម្រាប់រឿងទំនាក់ទំនង អ្នកតែងជាអ្នកដឹកនាំក្នុងក្រុម មិនថាមិត្តភ័ក្ដិ ឬក្រុមអ្វីមួយដែលអ្នកបានចូលរួម ហើយអ្នកចូលចិត្តចូលរួមជាមួយមនុស្សគ្នាច្រើនជាងគ្នាតិច។

ចុចអាន៖ ឥរិយាបថអង្គុយ អាចបញ្ជាក់ពីបុគ្គលិកលក្ខណៈរបស់មនុស្សស្រីបាន''

មេដៃលើកលយទៅមុខបន្តិច

អ្នកជាមនុស្សត្រង់ទៅត្រង់មក និងចូលចិត្តបង្ហាញអារម្មណ៍ខ្លួនឯងឱ្យអ្នកដទៃបានឃើញ មិនចូលចិត្តបង្វាងទៅណាឆ្ងាយ។ លើសពីនេះ អ្នកជាមនុស្សដែលស្មោះត្រង់នឹងអារម្មណ៍ខ្លួនឯងខ្លាំង។ ចំណែកក្នុងបញ្ហាទំនាក់ទំនងវិញ អ្នកតែងទទួលបានការចូលចិត្តច្រើនក្នុងចំណោមមិត្តភ័ក្ដិ ហើយជាមនុស្សដែលចូលចិត្តការជួបជុំ។ ប៉ុន្តែត្រូវប្រយ័ត្នបន្តិច ព្រោះភាពរកាំរកូសអាចកើតមានឡើង ដោយសារអ្នកជាមនុស្សក្បាលរឹង មិនងាយទទួលយកយោបល់របស់អ្នកដទៃងាយៗឡើយ។

មេដៃលើកអែនទៅក្រោយបន្តិច

អ្នកជាមនុស្សចិត្តទូលាយ ចូលចិត្តខ្វល់ខ្វាយពីអ្នកដទៃ និងមានគំនិតសុទិដ្ឋិខ្លាំង។ ដូច្នេះអ្នកតែងត្រូវបានអ្នកផងស្រលាញ់រាប់អាន ព្រោះតែបុគ្គលិកលក្ខណៈដ៏ទន់ភ្លន់នេះ។ ចំណែកក្នុងទំនាក់ទំនង អ្នកក៏មានអ្នកចូលចិត្តច្រើន ដោយសារតែអត្តចរិតស្លូតបូត និងមានចេះឱនលំទោនចំពោះអ្នកដទៃនេះ។ ប៉ុន្តែអ្នកក៏ជាមនុស្សដែលមិនចូលចិត្តបើកចំហឱ្យអ្នកដទៃដឹងពីអារម្មណ៍ងាយៗឡើយ៕

ប្រភព៖ interesting-facts ប្រែសម្រួល៖ សរ សុគន្ធី