ការយល់សប្ដិ ៦ យ៉ាងអាចបញ្ជាក់អំពីសុខភាពរបស់អ្នកបាន

2018-02-12 08:00:00
ចំនួនមតិ 0 | ចំនួនចែករំលែក 0

បើចង់ដឹងពីស្ថានភាពរបស់សុខភាពអ្នកមានសភាពយ៉ាងណា អាចសង្កេតមើលការយល់សប្ដិខ្លួនឯងសិន នោះអ្នកនឹងដឹង។ ចង់ដឹងតាមដានរឿង ៦ យ៉ាងនេះជាមួយ កញ្ញា ដូចខាងក្រោម៖

ការបកស្រាយពីការយល់សប្ដិតាមវិធី TCM (ឱសថបុរាណចិន (TCM ចិនសាមញ្ញ៖ ចិន中醫; pinyin: Zhōngyī) គឺជារចនាប័ទ្មឱសថបុរាណបានកសាងនៅលើគ្រឹះនៃការអនុវត្តវេជ្ជសាស្ត្រជាង ២ ៥០០ ឆ្នាំនៃប្រទេសចិនដែលរួមមានទម្រង់ផ្សេងៗគ្នានៃឱសថ រុក្ខជាតិ ចាក់ម្ជុលវិទ្យាសាស្ត្រ ម៉ាស្សា (tui na) ការហាត់ប្រាណ (qigong) និងរបបអាហារ ...)

ជាទូទៅភាពលំបាកក្នុងការដេកលក់ច្រើនតែត្រូវបានផ្សារភ្ជាប់ជាមួយនឹងស្ថានភាពដែលធាតុបង្កកម្ដៅបង្កើតឡើង និងរំខានដល់តុល្យភាពនៅក្នុងថ្លើម ឬក្រពេញពោះវៀន។ ការភ្ញាក់ពីគេងយ៉ាងស្រួល ហើយពិបាកក្នុងបិទភ្នែកគេងទៅវិញ គឺជាសញ្ញានៃកង្វះ ឬលើសអ្វីមួយក្នុងសរីរាង្គ។ សុបិនរំខានការដេកអាចត្រូវបានផ្សារភ្ជាប់ជាមួយនឹងអតុល្យភាពនៅក្នុងលំពែង ឬសរសៃឈាមបេះដូង និង Qi (ជីវិតថាមពល ឬកម្លាំងជីវិត ដែលហូរក្នុងខ្លួន។ ក្នុងទ្រឹស្ដី TCM Qi គឺជាសារធាតុសំខាន់ដែលបង្កើតជារូបកាយមនុស្ស។ វាក៏សំដៅទៅលើមុខងារសរីរៈនៃសរីរាង្គ និងសរសៃប្រសាទ) ។

ដូចនេះចូរសង្កេតមើលទម្លាប់ដេករបស់អ្នក និងស្វែងរកការពិគ្រោះយោបល់ជាមួយគ្រូពេទ្យ ប្រសិនបើបញ្ហានៃការគេងមិនលក់របស់អ្នកនៅតែបន្តអស់រយៈពេលជាងពីរសប្ដាហ៍។

អ្វីដែលក្ដីសុបិនប្រាប់អ្នកអំពីសុខភាព?

-យល់សប្ដិខឹង - Qiហួសចំណុះក្នុងថ្លើម។

-យល់សប្ដិព្រៃឈើនៅលើភ្នំ - កង្វះ Qi នៅក្នុងថ្លើម។

-យល់សប្ដិមានអាហារ - កង្វះ Qi នៅក្នុងក្រពះ។

-យល់សប្ដិបើកទ្វារ - កង្វះ Qi នៅក្នុងពោះវៀនធំ។

-យល់សប្ដិយំបារម្ភព្រួយ ឬភ័យខ្លាច- Qi លើសក្នុងសួត។

-យល់សប្ដិត្រូវបានជ្រមុជនៅក្នុងទឹក - កង្វះ Qi នៅក្នុងតម្រងនោម។

ក្ដីសុបិនជាទូទៅកើតឡើងដោយសារតែកត្តាមួយចំនួនដូចជា កង្វះសារជាតិបំប៉ន មានជាតិពុល ឈាមក្ដៅ ជំងឺភ្នែក ការស្ត្រេស ឬទម្លាប់នៃការញ៉ាំមិនត្រឹមត្រូវ៕

ចុចអាន៖ឧស្សាហ៍ក្រោកយឺតហើយចង់តែគេងត មិនមែនខ្ជិលទេ តែអាចជាជំងឺផ្លូវចិត្ត

ប្រភព៖ Shape ប្រែសម្រួល៖ ទ្រី រ៉ាវី