អ្នកផឹកច្រើនប្រយ័ត្ន! អវយវៈ ១០អាចត្រូវបំផ្លាញខ្ទេច ដោយការផឹកគ្រឿងស្រវឹង

2018-02-08 04:54:50
ចំនួនមតិ 0 | ចំនួនចែករំលែក 0

សម័យនេះគឺមិនមែនតែប្រុសៗ សូម្បីស្រីៗក៏ចូលចិត្តផឹកគ្រឿងស្រវឹងច្រើនដែរ ជាពិសេសនៅពេលមានកម្មវិធីជប់លៀង ឬជួបជុំមិត្តភ័ក្ដិម្ដងៗ។ មិនត្រឹមពេលសប្បាយ សូម្បីតែពេលកើតទុក្ខ ក៏ជាឱកាសពិសេសដើម្បីផឹកគ្រឿងស្រវឹងដែរ។ យ៉ាងណាក៏ដោយ គ្រឿងស្រវឹងនេះមួយគឺមិនមែនជាជម្រើសល្អនោះឡើយ ពោលគឺវាអាចផ្ដល់ទុក្ខទោសច្រើនដល់រាងកាយយើង លើសពីភាពរីករាយក្លែងក្លាយដែលយើងទទួលបានពីវារាប់សិបដង បើយើងមានទម្លាប់ផឹកច្រើន និងញឹកញាប់។ ដូច្នេះហើយថ្ងៃនេះ កញ្ញា សូមលើកយកអត្ថបទមួយដែលបង្ហាញពីគុណវិបត្តិធ្ងន់ធ្ងររបស់គ្រឿងស្រវឹងចំពោះរាងកាយរបស់មនុស្សដើម្បីឲ្យប្រិយមិត្តបានស្វែងយល់ទាំងអស់គ្នា៖

១. ថ្លើម

ដូចដែលគ្រប់គ្នាបានដឹងហើយថាការទទួលទានគ្រឿងស្រវឹងជាប្រចាំនឹងធ្វើឲ្យយើងកើតរោគថ្លើម។ ដូចនេះអ្នកដែលឧស្សាហ៍ពិសាគ្រឿងស្រវឹងច្រើនសូមប្រយ័ត្ន ព្រោះវានឹងធ្វើឲ្យអ្នកមានជំងឺរលាកថ្លើម ហើយនឹងអាចឈានដល់ជំងឺក្រិនថ្លើមនៅទីបំផុត។

២. ក្រពះ

ជាតិអាល់កុលមានផលប៉ះពាល់ខ្លាំងដល់ក្រពះ ដូច្នេះហើយទើបអ្នកផឹកស្រាច្រើនមួយចំនួនមានអាការឈឺពោះ ឬក្ដៅក្រហាយក្រពះដោយសារឥទ្ធិពលរបស់វា។ បើមិនព្យាយាមកាត់បន្ថយទេវាអាចនឹងធ្ងន់ធ្ងរដល់ថ្នាក់មានឈាមចេញក្នុងក្រពះបាន។

៣. ប្រព័ន្ធប្រសាទ

ជាតិអាល់កុលក៏មានឥទ្ធិពលដល់ប្រព័ន្ធប្រសាទដែរ។ នៅពេលអ្នកផឹកវាច្រើនក្នុងរយៈពេលយូរ វានឹងធ្វើឲ្យមានអាការត្រជាក់ចុងដៃចុងជើង ឬស្រៀវស្រាញ ដោយសារតែជាតិអាល់កុលនោះធ្វើឲ្យសមត្ថភាពរបស់កោសិកាក្នុងការបម្លែងយកវីតាមីន B1 សម្រាប់រាងកាយប្រើប្រាស់កាន់តែចុះខ្សោយ។

៤. សុដន់

ជាតិអាល់កុលមានចំណែកក្នុងការធ្វើឲ្យអ័រម៉ូន estrogen កើនឡើង ដែលជាមូលហេតុមួយធ្វើឲ្យមានហានិភ័យចំពោះការកើតជំងឺមហារីកសុដន់បាន ព្រោះថាអត្រាអ័រម៉ូនច្រើនលើសលប់ គឺជាបច្ច័យជំរុញឲ្យរាងកាយអ្នកកើតកោសិកាមហារីក ច្រើនជាងអ្នកដែលមិនផឹកគ្រឿងស្រវឹង។

៥. បេះដូង

អ្នកចូលចិត្តផឹកគ្រឿងស្រវឹង ក៏មានហានិភ័យចំពោះបញ្ហាបេះដូងដែរ ដោយសារជាតិអាល់កុលអាចធ្វើឲ្យចង្វាក់បេះដូងលោតខ្លាំងមិនប្រក្រតី បើផឹកយូរៗទៅអាចធ្វើឲ្យបេះដូងមានបញ្ហាលោតខុសចង្វាក់ បេះដូងខ្វះឈាម ឬបេះដូងរីកបាន។

៦. ប្រព័ន្ធសរសៃឈាម

ផឹកគ្រឿងស្រវឹងច្រើនអាចឲ្យអ្នកឡើងក្បាលពោះ និងឡើងទម្ងន់ ព្រោះជាតិអាល់កុលនេះបង្កការរាំងស្ទះដល់ដំណើរការមេតាបូលីស ដែលធ្វើឲ្យមានជាតិខ្លាញ់នៅសល់ច្រើនក្នុងសរសៃឈាម។

៧. ស្បែក

គ្រឿងស្រវឹងមានឥទ្ធិពលធ្វើឲ្យស្បែកជ្រីវជ្រួញជាងវ័យ ព្រោះការផឹកជាតិអាល់កុលម្ដងៗនឹងបំផ្លាញកោសិកាស្បែក ធ្វើឲ្យមានស្នាមជ្រួញ ចាស់ជាងវ័យ។

៨. គ្រាប់ឈាម

ជាតិអាល់កុលក៏មានឥទ្ធិពលធ្វើឲ្យអ្នកទទួលទានវាច្រើនកើតរោគខ្វះឈាមក្រហមដែរ ដោយសារជាតិអាល់កុលនេះនឹងកាត់បន្ថយការស្រូបយកអាស៊ីដ Folic។ ដូច្នេះបើអ្នកពិនិត្យឈាមហើយរកឃើញថាមានជំងឺនេះ សូមកុំលេបតែថ្នាំបម្រុងឈាមតែមួយមុខ ប៉ុន្តែត្រូវបញ្ឈប់ការផឹកគ្រឿងស្រវឹងផង។

៩. លំពែង

ជាតិអាល់កុលក៏អាចបំផ្លាញលំពែងបានដូចគ្នា ដែលលំពែងនេះគឺមាននាទីផលិតអ័រម៉ូដជាច្រើន ជាពិសេសអ័រម៉ូនអាំងស៊ុយលីន ដែលមាននាទីគ្រប់គ្រងជាតិស្ករនៅក្នុងឈាម។ ការផឹកគ្រឿងស្រវឹងគឺជាមូលហេតុចម្បងដែលធ្វើឲ្យលំពែងរបស់អ្នករលាក ហើយការរលាកលំពែងនេះនឹងធ្វើឲ្យអ្នកមានអាការឈឺពោះ ឈឺខ្លាំងបំផុត និងអាចឈានដល់ការស្លាប់ប្រសិនបើមិនបានព្យាបាលទាន់ពេល។