ទំនៀមទំលាប់ទាំង ៦របស់ក្រុមអ្នក Single អាជីពក្នុងថ្ងៃបុណ្យ Valentine
- 2018-02-05 05:24:00
- ចំនួនមតិ 0 | ចំនួនចែករំលែក 0
ទំនៀមទំលាប់ទាំង ៦របស់ក្រុមអ្នក Single អាជីពក្នុងថ្ងៃបុណ្យ Valentine
រដូវបុណ្យនៃសេចក្ដីស្រលាញ់មួយទៀតក៏ជិតចូលមកដល់ទៀតហើយ សម្រាប់អ្នកមានស្នេហាប្រាកដជាកំពុងត្រេកអរ និងរំភើបខ្លាំងណាស់ ព្រោះនឹងបានចំណាយពេលវេលានៅក្បែរមនុស្សដែលខ្លួនស្រលាញ់។ យ៉ាងណាក៏ដោយ សម្រាប់អ្នកអត់គូ ពោលអ្នកលក់អត់ដាច់អាជីព នៅក្នុងថ្ងៃនេះគឺគ្មានអ្វីអស្ចារ្យនោះទេ។ ខាងក្រោមនេះគឺជាសកម្មភាពនានាដែលអ្នកនៅលីវតែងធ្វើរាល់ពេលថ្ងៃ valentine មកដល់។
១. បាយបានសម្រាន្តលក់ស្រួល
ស្ដាប់ទៅគឺដូចជារៀងធុញទ្រាន់បន្តិច តែនេះគឺជាជម្រើសដ៏ឆ្លាតវៃមួយ ព្រោះញ៉ាំឲ្យឆ្អែតងាយស្រួលគេង ហើយងើបមកវិញក៏ផុតថ្ងៃបុណ្យនេះទៅហើយ កុំឲ្យនៅច្រណែននឹងគេ។
**២. អត់អនឡាញ Facebook**
ដើម្បីឲ្យគេស្មានថាយើងរវល់ដើរលេងជាមួយសង្សារ ក៏ដូចជាជៀសវាងឃើញគេស្វីតជាមួយគ្នាទ្រាំមិនបាន បិទ Facebook ចោលមួយថ្ងៃគឺជាជម្រើសដ៏ល្អ។
៣. ដើរលក់ផ្កា សូកូឡា និងតុក្កតា
ទោះបីជាយើងគ្មានស្នេហាក៏ដោយ ក៏យើងអាចជួយឲ្យស្នេហាអ្នកដទៃបានស្រស់បំព្រងដោយការលក់កាដូនៃក្ដីស្រលាញ់បានដែរ។ មួយវិញទៀត អាចបង្កើនចំណូលឲ្យខ្លួនឯងបន្ថែមទៀតផង ពិតជាព្រួញមួយបាញ់បានសត្វពីរមែន។
៤. ជួបជុំជាមួយសមាជិកក្រុមអេទាំងអស់គ្នា
កុំអាក់អន់ស្រពន់ចិត្តអី ព្រោះក្នុងថ្ងៃនេះមិនមែនតែអ្នកដែលលក់អត់ចេញទេ ប្រាកដជាមានបក្សពួកផ្សេងទៀតដែលអេដូចគ្នា ដូចនេះយើងអាចប្រជុំបក្សតែក្រុមអត់គូបាន។
៥. ដើរទិញទំនិញ
នៅក្នុងថ្ងៃនេះ ហាងជាច្រើនប្រាកដជាមានកម្មវិធីបញ្ចុះតម្លៃមិនតិចឡើយ ទោះបីជាយើងគ្មានគូមែនពិត តែក៏អាចឆ្លៀតឱកាសនេះទិញបានទំនិញក្នុងតម្លៃថោកដែរ ដូចនេះកុំឲ្យឱកាសនេះកន្លងហួសឲ្យសោះ។
៦. ធ្វើឆ្អឹងទទឹងក
ប្រសិនបើយើងមិនបានសុខ ក៏មិនអាចក៏គេមានសេចក្ដីសុខបានដែរ។ មិត្តភ័ក្ដិណាដែលមានណាត់ដើរលេងផ្សេងជាមួយសង្សារគេ ត្រូវសុំតាមឲ្យទាល់តែបានដោយយកលេសថាគ្មានអ្នកណាដើរជាមួយ។
ចុចអាន៖ការពិត ៦យ៉ាងដែលពិបាកទទួលយកបំផុតក្នុងជីវិត តែយើងមិនអាចប្រកែកបាន