សាមញ្ញណាស់! ស្រីស្រស់ ប៉ុប រចនា ចំណាយសរុបខ្ទង់ ៥០ ទៅ ៦០ ដុល្លារប៉ុណ្ណោះ ពេលញ៉ាំការមួយរោង

2018-02-05 05:04:21
ចំនួនមតិ 0 | ចំនួនចែករំលែក 0

តារាសម្ដែងស្រស់សោភា មុខមាត់ស្រដៀងនឹងតារាស្រីថៃល្បីឈ្មោះ នាង Kimberly បានផ្ដល់បទសម្ភាសន៍ដល់កញ្ញាថា នាងចំណាយត្រឹមខ្ទង់ ៥០ ទៅ ៦០ ដុល្លារប៉ុណ្ណោះ ពេលចូលរួមពិធីមង្គលការម្ដងៗ។ ស្រីស្រស់រូបនេះមានឈ្មោះពិតថា ប៉ុប រចនា ដែលបច្ចុប្បន្នជាតារាសម្ដែងនឹងតារាបង្ហាញម៉ូដដែលកំពុងមមាញឹកនឹងការងារសិល្បៈ។

រចនាបានប្រាប់ពីហេតុផលដែលនាងចំណាយអស់តិចបែបនេះ ពេលទៅញ៉ាំការ គឺដោយសារតែនាងទទួលបានការឧបត្ថម្ភច្រើនទៅលើសម្លៀកបំពាក់ និង ការបញ្ចុះថ្លៃ ៥០%លើការផាត់មុខផងដែរ។ នាងចំណាយលើចំនងដៃ ពី ៣០ ដល់ ៥០ ដុល្លារតាមរោងតូចធំ និងពេលខ្លះត្រូវអស់ ១០ ទៅ ១៥ ដុល្លាលើការផាត់មុខដែលបញ្ចុះតម្លៃហើយនោះផងដែរ។

ទោះជាយ៉ាងនេះក៏ដោយ តួឯកស្រីរឿង ផ្កាព្រៃស្រទាប់មាស បានប្រាប់ពីរបៀបចំណាយឲ្យអស់តិចចូលរួមពិធីមង្គលការថា៖ "សម្រាប់ខ្ញុំដើម្បីកាត់បន្ថយការចំណាយលើការចូលរួមកម្មវិធីគឺមានពេលខ្លះ ខ្ញុំតែងផាត់មុខឬធ្វើសក់អីតិចតួចដោយខ្លួនឯង ដោយមើលតាមការបង្ហាត់តាម Youtube អីជាដើម។"

នាងបន្ថែមថា៖" រាល់លើកខ្ញុំបានSponsor លើសម្លៀកបំពាក់ដែលបានជួយច្រើនក្នុងការកាត់បន្ថយការចំណាយរបស់ខ្ញុំ តែខ្ញុំយល់ថា បើស្រីៗយើងចេះស្លៀកពាក់ឆ្លាស់គ្នា និងមើលតាមស្ថានការណ៍នៃពិធី ច្បាស់ជាពុំចាំបាច់ត្រូវចាយច្រើនក្នុងការទិញ ឬកាត់រ៉ូបថ្មីឡើយ ដែលជួយឲ្យខ្ទង់ចំណាយអស់តិចផងដែរ។"