អាហារដែលបំផ្លាញខួរក្បាលទារក ស្ត្រីពពោះគួរជៀសឲ្យឆ្ងាយ
- 2018-01-26 03:40:33
- ចំនួនមតិ 0 | ចំនួនចែករំលែក 0
អាហារដែលបំផ្លាញខួរក្បាលទារក ស្ត្រីពពោះគួរជៀសឲ្យឆ្ងាយ
ស្ត្រីមានផ្ទៃពោះគួរនៅឲ្យឆ្ងាយពីចំណីអាហារទាំងនេះ ដើម្បីកុំឲ្យមានការប៉ះពាល់ដល់ការវិវត្តរបស់ទារក។ អាហារទាំងនោះមាន៖
១.ប៊ីចេង៖ ប្រសិនបើអ្នកទទួលទានប៊ីចេងច្រើនពេក អំឡុងពេលមានផ្ទៃពោះ នោះទាំងម្ដាយក៏មានបញ្ហាដែរដូចជាអាការៈវិលមុខ អស់កម្លាំង ក្អួតចង្អោរ បេះដូងដើរយឺត ឬលឿន។ ឯទារកវិញអាចកើតមកមានសុខភាពទន់ខ្សោយ ខួរក្បាលមិនសូវមានការចងចាំល្អ។
**២.ភេសជ្ជៈមានជាតិអាល់កុល ឬបារី**៖ ស្ត្រីមានផ្ទៃពោះគួរជៀសវាងការជក់បារីគ្រប់ប្រភេទដោយសារសារធាតុពុលនៅក្នុងបារីអាចចូលទៅក្នុងស្បូនតាមរយៈសុកដែលបង្កគ្រោះថ្នាក់ដល់ទារក។ មិនតែប៉ុណ្ណោះវាបង្កហានិភ័យនៃពិការភាពពីកំណើត ឬខូចរូបរាងមិនពេញលក្ខណៈ។ ចំណែកការប្រើគ្រឿងស្រវឹង និងភេសជ្ជៈអាកុលក៏បង្កើនហានិភ័យនៃការរលូតកូនផងដែរ។
៣.អាហារគ្រាម៖ អាហារបែបនេះ ត្រូវបានប្រឡាក់អំបិលដ៏ច្រើន ដើម្បីរក្សាគុណភាព និងមិនឲ្យដុះផ្សិត។ ដូច្នេះអ្នកគួរតែកំណត់ការញ៉ាំចំណីអាហារទាំងនោះ ព្រោះការទទួលទានប្រៃច្រើនអាចនាំឲ្យមានសម្ពាធឈាមខ្ពស់ ខូចសរសៃឈាមធ្វើឲ្យខូចដល់ការផ្គត់ផ្គង់ឈាមដល់សរីរាង្គ។ លើសពីនេះអាហារស្ងួតមិនធានាដល់អនាម័យ និងសុវត្ថិភាពងាយស្រួលបង្កឲ្យប្រព័ន្ធរំលាយអាហារមានបញ្ហា។
៤.អាហារសមុទ្រឆៅ៖ អាហារសមុទ្រឆៅមានហានិភ័យខ្ពស់នៃប៉ារ៉ាស៊ីតអាចបណ្ដាលឲ្យមានជាតិពុល ជំងឺរាគ ហើយបញ្ហាទាំងនេះហើយដែលបង្កគ្រោះថ្នាក់បំផុតចំពោះស្ត្រីមានផ្ទៃពោះ។ អាហារសមុទ្រឆៅ ក៏ជះឥទ្ធិពលអវិជ្ជមានដល់ការវិវត្តប្រព័ន្ធសរសៃប្រសាទ និងខួរក្បាលរបស់ទារក ព្រោះវាសម្បូរសារធាតុបារត។
៥.តៅហ៊ូ៖ ក្នុងអំឡុងពេលផលិតតៅហ៊ូ អាចត្រូវបានចម្លងរោគជាមួយបាក់តេរីប៉ារ៉ាស៊ីត ទៅពពុះសណ្ដែក។ សារធាតុនោះអាចបំបែកប្រូតេអ៊ីនធ្វើឲ្យប៉ះពាល់ដល់សុខភាពរបស់ស្ត្រីមានផ្ទៃពោះ និងទារក។ ចំពោះពេលផលិតតៅហ៊ូគឺពិបាកក្នុងការធានាអនាម័យ និងសុវត្ថិភាព ដោយសារវាអាចផ្ទុកអាលុយមីញ៉ូម មេតាលជាដើមដែលប៉ះពាល់ជាអវិជ្ជមានដល់ការវិវត្តប្រព័ន្ធសរសៃប្រសាទរបស់ទារក និងបន្ថយកម្រិត IQ របស់កុមារពេលធំឡើង។
៦.អាហារចៀន ឬបំពង៖ អាហារទាំងនោះអាចប៉ះពាល់យ៉ាងធ្ងន់ធ្ងរលើរាងកាយ ជាពិសេសខួរក្បាលទារក។ បើអ្នកញ៉ាំអាហារបំពងទៀងទាត់នឹងបង្កើនកូឡេស្តេរ៉ុល បង្កើនហានិភ័យសម្ពាធឈាម ជំងឺសរសៃឈាមបេះដូង និងរារាំងដល់ការវិវត្តទារក៕
ចុចអាន៖អ្នកនៅលីវមើលឱ្យហើយ! សម្រាលកូនរួច រាងកាយមនុស្សស្រីប្រែប្រួលនឹកស្មានមិនដល់