ឆ្ងល់ទេថា គេបានអ្វិីលាបធ្មេញឡើងខ្មៅបែបនេះ ដើម្បីថតរឿងបុរាណ?
- 2018-01-24 02:03:59
- ចំនួនមតិ 0 | ចំនួនចែករំលែក 0
ឆ្ងល់ទេថា គេបានអ្វិីលាបធ្មេញឡើងខ្មៅបែបនេះ ដើម្បីថតរឿងបុរាណ?
ពីបុរាណកាលមក ប្រជាជនខ្មែរទាំងក្មេង ចាស់ប្រុសស្រីមានទម្លាប់និយមទំពារស្លាម្លូ ទើបធ្វើឲ្យធ្មេញឡើងខ្មៅ។ ដោយឡែកនៅពេលសម្ដែងរឿងបុរាណសម្រាប់សម័យបុច្ចប្បន្ន ក៏តម្រូវឲ្យតួមានធ្មេញពណ៌ខ្មៅដែរ ដើម្បីឲ្យត្រូវតាមសម័យកាល។ អ៊ីចឹងតើតួទាំងនោះត្រូវទំពារស្លាម្លូដែរ ឬមានថ្នាំអ្វីលាប?
ក្រុមការងារ កញ្ញា បានជួបសម្ភាសន៍ជាមួយ កញ្ញាហ៊ិន ច័ន្ទនិរ័ត្នក្នុងពិធីសម្ពោធសាច់រឿងថ្មីរបស់នាងកាលពីកន្លងទៅ ដោយបានប្រាប់ថា "ថ្នាំលាបធ្មេញនេះជាប្រភេទថ្នាំម៉្យាងមានទម្រង់ដបដូចថ្នាំលាបក្រចក ហើយវាមានរសជាតិម៉ុងតុល ហើយវាងាយស្រួលលាងសម្អាត ដោយគ្រាន់តែដុះធ្មេញគឺដូចដើមវិញហើយ។ "
គួររំលឹកផងដែរថា កាលពីពេលថ្មីៗកន្លងទៅនេះ ផលិតកម្មមាតុចក្របានសម្ពោធរឿងថ្មី បែបរន្ធត់ព្រឺព្រួច ចំណងជើងថា "ធ្មប់"។ រឿងនេះមានការចូលរួមសម្ដែងពីតារាល្បីៗ និងផលិតករផ្ទាល់តែម្ដង ដូចជាលោក ហ៊ុយ យ៉ាលេង កញ្ញា ហ៊ិន ច័ន្ទនីរ័ត្ន លោក លឹម រដ្ឋា កញ្ញា ខូវ ហ្គិចឡាង និងតារាកិត្តិយស ផ្សេងទៀតជាច្រើន។