គន្លឹះ ២ នាទីជួយឲ្យនារីមើលទៅស្រក ៥ គីឡូក្រាម និងមានរាងទាក់ទាញជាងមុន

2018-01-23 07:09:18
ចំនួនមតិ 0 | ចំនួនចែករំលែក 0

សាមញ្ញខ្លាំងណាស់។ គន្លឹះទាំងនេះនឹងជួយឲ្យអ្នកមើលទៅមានរាងស្លីម ហើយកាន់តែទាក់ទាញនៅក្នុងភ្នែកមនុស្សគ្រប់គ្នា។ មិនមែនជាអព្ភូតហេតុ ឬការប្រើផលិតផល និងសេវាកម្មថ្លៃៗ ទេ ពីព្រោះបើចេះគន្លឹះទាំង ៥ នេះ ក្នុងរយៈពេលត្រឹមតែ ២-៣នាទីអាចជួយប្រែរូបរាងមិនស្អាត ទៅជាស្អាតវិញ៖

១.ឈរជុចជើងស្ដាំ៖ កែងជើងខ្ពស់ជួយស្ត្រីឲ្យក្លាយទៅជាស្រស់ស្អាត និងមានមន្តស្នេហ៍ ហើយរាងក៏ស្រឡូនជាងមុន។ តែក៏មិនអាឈរត្រង់ស្លូបានដែរ គួរតែចេះកាច់រាង ដោយបន្ទន់ជើងស្ដាំបន្តិច ហើយលើកត្រគាកឲ្យខ្ពស់ ឈរបែបនេះ ទើបឃើញរាងស្អាត។

រូបតំណាង

**២.ជៀសវាងសំលៀកបំពាក់រលុង ឬតឹងពេក**៖ ស្លៀកសំលៀកបំពាក់ដែលមិនសមនឹងទំហំនៃរាងកាយរបស់អ្នក ធំ ឬតូចពេកធ្វើឲ្យរាងអ្នកកាន់តែធាត់។ គួររកខោអាវណាដែលរឹបចេញរាងត្រង់ចង្កេះបន្តិច ទើបមើលទៅមានគន្លាក់ចង្កេះ និងស្រឡូនស្អាត។

រូបតំណាង

៣.រក្សាខ្នងរបស់អ្នកឲ្យត្រង់គ្រប់ពេល៖ ពេលឆ្អឹងខ្នងអ្នកត្រង់បញ្ឈររហូតនោះ ចង្កេះអ្នកក៏មើលទៅតូចដែរ។ តែបើហ៊ានតែអង្គុយកោង នោះទោះជាគ្មានក្បាលពោះ ក៏រាងអ្នកមើលទៅធាត់ដែរ។

រូបតំណាង

៤.កុំប្រើកន្សែងបង់ក៖ ជំនួសឲ្យការរុំកន្សែងក្រាស់ៗនៅលើករបស់អ្នក ហើយទម្លាក់សក់ អ្នកគួរតែពាក់អាវចាក់តែមួយជាន់ ហើយលើកសក់ឲ្យស្រឡះក។

រូបតំណាង

៥.ផ្លាស់ប្ដូរម៉ូដសក់៖ បើសិនជាអ្នកមានសក់វែង ចូរព្យាយាមផ្លាស់ប្ដូរមកកាត់សក់ខ្លីម្ដង ដើម្បីបង្កើតជាស្ទីលថ្មីរបស់អ្នក។ តែត្រូវដឹងពីទម្រង់មុខខ្លួនឯងជាមុនសិន បើមិនអាចកាត់ខ្លីពេក គួរកាត់មកត្រឹមស្មា ឬក ធ្វើឲ្យអ្នកមើលទៅក្មេងជាងវ័យ៕