ប្អូនប្រុស Ha Ji Won ស្លាប់ អ្នកកាសែតបែរជាដាក់រូប V ក្រុម BTS ទៅវិញ
- 2018-01-23 04:23:23
- ចំនួនមតិ 0 | ចំនួនចែករំលែក 0
ប្អូនប្រុស Ha Ji Won ស្លាប់ អ្នកកាសែតបែរជាដាក់រូប V ក្រុម BTS ទៅវិញ
បណ្ដាញព័ត៌មានកូរ៉េមួយបានធ្វើឲ្យអ្នកគាំទ្ររបស់ក្រុមចម្រៀងល្បីឈ្មោះ BTS ភ្ញាក់ផ្អើលជាខ្លាំងនៅពេលដាក់រូបសមាជិក V លាចាកលោកហើយ។
កាលពីថ្ងៃទី២១ខែមករាកន្លងទៅនេះ វិស័យសិល្បៈកូរ៉េបានទទួលដំណឹងដ៏សោកសៅមួយទៀតនៅពេល តារាសម្ដែង Jeon Tae Soo ប្អូនប្រុសរបស់តារាសម្ដែងស្រី Ha Ji Won បានទទួលមរណភាពទៅ។ ខណៈអ្នកគាំទ្រមិនទាន់បាត់សោកសៅផងនោះ បណ្ដាញព័ត៌មានមួយបានធ្វើឲ្យគេភ្ញាក់ផ្អើលគ្រប់គ្នានៅពេលចុះរូបតារាចម្រៀង V នៃក្រុម BTS ជាអ្នកស្លាប់ទៅវិញ។
តាមនោះដែរ ប្រភពខាងលើបានរាយការណ៍ថា ប្អូនប្រុសរបស់ Ha Ji Won បានស្លាប់បាត់បង់នៅពេលត្រៀមត្រលប់មកសិល្បៈវិញតាមរយៈរឿងភាគមួយ ដោយមានដាក់រូបតំណាង២។ យ៉ាងណាក៏ដោយ រូបតំណាងទី១មិនមែនរូបរបស់តារាអភ័ព្វវ័យ៣៤ឆ្នាំនោះទេ បែរជារូបរបស់ប្រុសស្អាតវ័យ២២ឆ្នាំ V ទៅវិញ។ កំហុសឆ្គងនេះបានធ្វើឲ្យអ្នកគាំទ្ររបស់ម្ចាស់បទ "DNA” ខឹងជាខ្លាំង និងទាមទារសារព័ត៌មានខាងលើកែរូបនោះចេញ៕
ចុចអាន៖Jonghyun រស់នៅជាមួយយុវភាពដ៏ឯកា គ្មានមនោសញ្ចេតនា និងភាពកក់ក្ដៅពីឪពុក
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
