ទៅញ៉ាំការគេមួយរោង ណា សាឌី ចំណាយជាង ២០០ ដុល្លារ
- 2018-01-22 03:12:36
- ចំនួនមតិ 0 | ចំនួនចែករំលែក 0
ទៅញ៉ាំការគេមួយរោង ណា សាឌី ចំណាយជាង ២០០ ដុល្លារ
ក្នុងរដូវកាលញ៉ាំការម្ដងៗ គ្រប់គ្នា មិនត្រឹមតែកូនកំលោះក្រមុំទេ សូម្បីភ្ញៀវចូលរួម ក៏ត្រូវត្រៀមខ្លួនរួចជាស្រេច។ ជាពិសេសនារីៗតែម្ដង គឺមិនត្រឹមតែត្រៀមលុយសម្រាប់ចងដៃទេ តែត្រូវត្រៀមសំលៀកបំពាក់ គ្រឿងអលង្ការ កាបូបស្បែកជើង និងផាត់មុខធ្វើសក់ផងដែរ។
យ៉ាងណាមិញ តារាស្រីរូបស្រស់ ដែលកំពុងមានឈ្មោះបោះ ណា សាឌី បានប្រាប់ កញ្ញា ថា ជាទូទៅនាងចំណាយជាង ២០០ ដុល្លារ ក្នុង១មួយរោង ដើម្បីរៀបចំខ្លួនឲ្យបានសមរម្យចូលរួមពិធីមង្គលការ ហើយមិនទាន់គិតទាំងចំណងដៃផង។ នៅក្នុងកិច្ចសម្ភាសន៍នាងបានរៀបរ៉ាប់ថា៖ "ឥឡូវនេះឈ្នួលកាត់រ៉ូបញ៉ាំការថ្លៃណាស់បង យ៉ាងហោចក៏ត្រូវចំណាយជាង ១០០ដុល្លារដែរ គិតទាំងកំណាត់ និងថ្លៃឈ្នួលកាត់"។ នាងបានបន្ថែមថា៖ "ជាទូទៅ មិនថាខ្ញុំមិនថាគេទេ ស្លៀករ៉ូបញ៉ាំការមួយឈុតបានយ៉ាងច្រើន ២ រោងប៉ុណ្ណោះ ព្រោះយើងមិនអាចស្លៀកពាក់ដដែលៗច្រើនដងពេកទេ"។
ចំពោះការចំណាយលើការផាត់មុខធ្វើសក់វិញ នាងបញ្ជាក់ថា៖ "ខ្ញុំផាត់មុខចំណាយអស់តែ ១៥ ដុល្លារប៉ុណ្ណោះ បងព្រោះខ្ញុំជាម៉ូយប្រចាំនៅហាងដែលផាត់មុខធ្វើសក់ឲ្យខ្ញុំនោះ ចឹងហើយទើបគាត់បញ្ចុះតម្លៃឲ្យខ្ញុំ"។ ក្រៅពីរ៉ូប សក់ និងមុខ សាឌី បញ្ជាក់ថានៅមាន ស្បែកជើង និងកាបូបទៀតដែលនាងត្រូវចំណាយដែលជាហេតុធ្វើឲ្យខ្ទង់ចំណាយអស់ជាង ២០០ដុល្លារបែបនេះ៕
ចុចអាន៖Fan Bingbing ប្រជែងសម្រស់ជាមួយរាជិនីកែភេទថៃ Nong Poy នៅប្រទេសថៃ
រូបភាពផ្ដល់សិទ្ធដោយ៖ facebook Sa Dy
facebook Sa Dy