ភ្ញាក់ផ្អើលពេលដឹងអត្តចរិតពិតប្រាកដរបស់អ្នកចូលចិត្តញ៉ាំហឹរ
- 2018-01-20 08:27:17
- ចំនួនមតិ 0 | ចំនួនចែករំលែក 0
ភ្ញាក់ផ្អើលពេលដឹងអត្តចរិតពិតប្រាកដរបស់អ្នកចូលចិត្តញ៉ាំហឹរ
អ្នកវិទ្យាសាស្ត្រពីររូបឈ្មោះ Paul Rozin និង Deborah Schiller មកពីសាកលវិទ្យាល័យ Pennsylvania សហរដ្ឋអាមេរិកបានធ្វើការស្ទង់មតិមួយដើម្បីស្វែងយល់ពីអត្តចរិតពិតរបស់អ្នកចូលចិត្តញ៉ាំអាហារហឹរ ហើយការពិតដ៏គួរឱ្យចាប់អារម្មណ៍មួយចំនួនក៏បង្ហាញឡើង។
បុគ្គលិកលក្ខណៈ
រាល់អាហារនឹងគ្មានរសជាតិសោះឡើយបើគ្មានរសជាតិម្ទេស ឬម្រេចឱ្យហឹរៗ។ ការស្ទង់មតិខាងលើបានបង្ហាញថា អ្នកចូលចិត្តរសជាតិហឹរជាមនុស្សដែលមានបុគ្គលិកលក្ខណៈរឹងមាំ ចូលចិត្តការផ្សងព្រេង និងមានជំនឿលើខ្លួនឯងខ្ពស់។ មនុស្សភាគច្រើនអាចគិតថាអ្នកចូលចិត្តញ៉ាំម្ទេសគឺជាមនុស្សឆេវឆាវ ប៉ុន្តែការស្រាវជ្រាវបានបង្ហាញផ្ទុយពីការសន្និដ្ឋាននេះទៅវិញ គឺពួកគេជាមនុស្សរួសរាយ ទន់ភ្លន់ និងមានចិត្តល្អខ្លាំងណាស់ ហើយមានចិត្តស្មោះត្រង់។
រឿងស្នេហា
ពួកគេជាមនុស្សដែលស្មោះស្ម័គ្រនឹងស្នេហា និងមានអារម្មណ៍ពុះកញ្ជ្រោលខ្លាំង។ ពេលមានស្នេហា ពួកគេតែងខិតខំរក្សាស្នេហាឱ្យបានយូរអង្វែង ដោយមិនដែលខ្មាសអៀនក្នុងការបង្ហាញអ្នកដទៃពីភាពអស្ចារ្យរបស់មនុស្សដែលគេស្រលាញ់ឡើយ។ ដោយសារតែភាពស្មោះត្រង់នេះហើយ ទើបគេកម្រឃើញអ្នកចូលចិត្តញ៉ាំហឹរអាចក្បត់ដៃគូស្នេហារបស់ពួកគេ។ សម្រាប់បុរសដែលចូលចិត្តញ៉ាំម្ទេស ការសិក្សាបានរកឃើញថា ពួកគេមានចំណង់ផ្លូវភេទខ្ពស់។
រឿងការងារ
ពួកគេជាមនុស្សពូកែ ឆ្លាតវៃ មានការគិតបានរហ័ស មានមហិច្ឆតាខ្ពស់ និងមិនដែលរារែកក្នុងការប្រថុយអ្វីថ្មីឡើយ។ អ្នកដែលសុខចិត្តទ្រាំញ៉ាំអាហារហឹរ ទោះបីត្រូវចេញទឹកភ្នែក ហូរសម្បោរ ឬបែកញើសក៏ដោយ ច្រើនជាមនុស្សដែលអត់ទ្រាំនឹងការងារបានល្អ ហ៊ានប្រឈមគ្រប់ឧបសគ្គធ្វើយ៉ាងណាដើម្បីតែបានជោគជ័យ៕