ពាក្យសម្ដី ៦ឃ្លាដែលអាចសម្លាប់ស្នេហារបស់អ្នកបាន

2018-01-12 03:49:19
ចំនួនមតិ 0 | ចំនួនចែករំលែក 0

អ្នកណាក៏ដឹងដែរថាការគិតរបស់បុរស និងនារីគឺខុសគ្នាឆ្ងាយណាស់។ ពេលខ្លះសម្ដីដែលមនុស្សយើងនិយាយចេញមក ហើយគិតថាគ្មានបញ្ហាអ្វីសោះនោះ បែរជាអាចប៉ះពាល់ដល់អារម្មណ៍គេយ៉ាងខ្លាំងទៅវិញ។ ខាងក្រោមនេះគឺជាឃ្លាទាំងឡាយដែលអាចសម្លាប់ស្នេហារបស់អ្នកបានទាំងមិនដឹងខ្លួន។

១. ខ្ញុំមិនអីទេ

នៅពេលមនុស្សស្រីនិយាយបែបនេះ ការពិតគឺគេមានអីហើយ តែខាងប្រុសពេល ក៏ខ្លះមិនដឹងពីន័យបង្កប់នេះឡើយ ហើយក៏បានមិនបានយកចិត្តទុកដាក់នឹងមិត្តស្រី បណ្ដាលឲ្យការខឹងរបស់នាងត្រូវកប់ទុក ហើយដល់ថ្ងៃណាដែលផ្ទុះឡើង គឺអាចឈានដល់បែកគ្នាក៏ថាបាន។

២. អូនកំពុងឡើងគីឡូមែនអត់?

សំនួររសើបដូចនេះ ខាងប្រុសគួរសួរមិត្តភ័ក្ដិរបស់នាងប្រសើរជាង ព្រោះចង់ឬមិនចង់ ទោះបីជាអ្នកបារម្ភពីនាងក៏ដោយ ក៏នាងស្មានតែអ្នកចង់បង្អាប់នាងដែរ ដូចនេះគួរជៀសវាងសំនួរនេះ។

រូបតំណាង

**៣. ខ្ញុំមិនត្រូវការបងជួយទេ ខ្ញុំអាចធ្វើខ្លួនឯងបាន**

បើទោះបីជាក្នុងចិត្តខាងស្រីគឺបំណងថាមិនចង់រំខានគេក៏ដោយ តែខាងប្រុសមិនគិតដូចនេះទេ គេស្មានតែមិនទុកចិត្តគេ បើធ្ងន់ជាងនេះទៀតគេគិតថាយើងគិតថាគេគ្មានសមត្ថភាព។

៤. សង្សារចាស់ខ្ញុំក៏ធ្វើចឹងដែរ

ការប្រៀបធៀបរវាងមនុស្ស២នាក់មិនមែនជាជម្រើសឆ្លាតវៃនោះទេ ជាពិសេសគឺរឿងសង្សារចាស់ និងថ្មីតែម្ដង។ នៅពេលដែលនៅក្បែរអ្នកបច្ចុប្បន្ន មិនគួររំលឹកពីអ្នកអតីតឡើយ។

៥. បងឯងផ្ញើសារជាមួយអ្នកណា?

អ្នកណាក៏មានទំនាក់ទំនង និងចង់បានពេលវេលាផ្ទាល់ខ្លួន មិនមែនពេលណាក៏ចង់ត្រូវបានត្រួតពីលើនោះឡើយ។ ពេលខ្លះការប្រចណ្ឌដោយមិនចេះគិត អាចធ្វើឲ្យមនោសញ្ចេតនារបស់អ្នករង្គោះរង្គើពីមួយថ្ងៃទីមួយថ្ងៃ។

៦. សន្ដានមនុស្សប្រុសណាក៏ដូចគ្នាដែរ

នៅពេលអ្នកដឹងចំណុចអាក្រក់របស់សង្សារមិត្តភ័ក្ដិអ្នក ហើយនិយាយឃ្លានេះចេញមក អាចប៉ះពាល់ដល់អារម្មណ៍មិត្តប្រុសអ្នកបាន ព្រោះគេមិនបានធ្វើអីខុសផង ម្ដេចក៏ថាមនុស្សប្រុសទាំងអស់បែបនេះ ៕