ដំណឹងមានផ្ទៃពោះមិនច្បាស់ តែរឿងដែលច្បាស់គឺ Kylie ជាប់ឈ្មោះជាស្ត្រីអ្នកមានវ័យក្មេងបំផុត
- 2018-01-10 06:34:31
- ចំនួនមតិ 0 | ចំនួនចែករំលែក 0
ដំណឹងមានផ្ទៃពោះមិនច្បាស់ តែរឿងដែលច្បាស់គឺ Kylie ជាប់ឈ្មោះជាស្ត្រីអ្នកមានវ័យក្មេងបំផុត
ខណៈការមានផ្ទៃពោះរបស់ Kylie Jenner នៅតែមិនទាន់ច្បាស់លាស់ ស្រាប់តែឥឡូវនាងបានក្លាយជាស្ត្រីម្នាក់ក្នុងចំណោមស្ត្រីដែលមានជាងគេបំផុតនៅក្នុងពិភពលោក។ ចុងឆ្នាំ ២០១៧ តារាស្រីត្រគាកសាយរូបនេះ ត្រូវបានទស្សនាវដ្ដី Forbes Celebrity 100 ប្រកាសថាជា មនុស្សវ័យក្មេងបំផុតដែលមានប្រាក់ចំណូលច្រើន ស្ថិតក្នុងលេខរៀង ៥៩។
**តើ Kylie Jenner ជានរណាទើបមានលទ្ធភាពរកប្រាក់បានច្រើនយ៉ាងនេះ?**
នាងកើតនៅថ្ងៃទី ១០ ខែ សីហាឆ្នាំ ១៩៩៧ Kylie Jenner ជាកូនស្រីពៅរបស់អត្តពលិកអាម៉េរិកាំងCaitlyn Jenner និងអ្នកផលិតកម្មវិធីទូរទស្សន៍ដ៏ល្បី Kris Jenner។ ចាប់តាំងពីការបង្ហាញខ្លួននៅតាមកម្មវិធីផ្សេងៗ Kylie មានអ្នកគាំទ្រលើ Instagram ជាង ៩៥ លាន នាក់ ហើយនាងជាមនុស្សម្នាក់ក្នុងចំណោម ១០ នាក់ ដែលមានប្រជាប្រិយបំផុតលើបណ្ដាញសង្គមមួយនេះ។
កូនស្រីពៅរបស់ Kris Jenner នាង Kylie Jenner មានទ្រព្យសម្បត្តិសរុបប្រហែល ៥០ លានដុល្លារ (ស្មើនឹង ៣៨ លានផោន)។ នាងគឺជាមនុស្សស្រីដែលមានវ័យក្មេងជាងគេក្នុងបញ្ជីប្រាក់ចំណូល Forbes Celebrity 100 ហើយប្រាក់ចំណូលរបស់សង្សារ Travis scott ភាគច្រើនបានមកពី កម្មវិធីទូរទស្សន៍ KUWTK Kylie Cosmetics និង Life of Kylie ជាដើម។ ប្រាក់ចំណូលរបស់ Kylie Jenner មួយភាគធំបានមកពី Kylie Cosmetics របស់នាងដែលត្រូវបង្កើតឡើងនៅឆ្នាំ ២០១៦ ហើយ Lip Kits របស់នាងមានការពេញនិយមកាន់តែខ្លាំងឡើងៗ ដោយមានអត្រាថ្មីលក់ចេញអស់ក្នុងរយៈពេលតែប៉ុន្មាននាទីប៉ុណ្ណោះ និងកំពុងពង្រីកបន្ថែមទៅលើផលិតផលផ្សេងៗ។
អ្វីដែលកាន់តែពិសេសទៅទៀតនោះ គឺទឹកប្រាក់ដែលនាងរកបាននោះ ច្រើនជាង Jennifer Lopez, Novak Djokovic និង Ed Sheeran ប៉ុន្តែនៅតិចជាងបងស្រីបង្កើតខ្លួន Kim Kardashian-West៕
ចុចអាន៖មិនប្រាកដថាស្រីស្អាត ធ្វើម៉េចក៏នៅតែស្អាតដែរ! តារាចិន ៨ រូបនេះសើចទៅបែរជា....