ការស្រាវជ្រាវ៖ បុរសចូលចិត្តផឹកស្រាអាចប្រឈមមុខនឹងការគ្មានកូន

2018-01-05 04:17:00
ចំនួនមតិ 0 | ចំនួនចែករំលែក 0

ដូចដែលយើងដឹងហើយថាគ្រឿងស្រវឹងប៉ះពាល់ដល់សុខភាពណាស់ ប៉ុន្តែមនុស្សមួយចំនួនគិតថាវាមិនធ្ងន់ធ្ងរនោះទេ។ ប៉ុន្តែយោងទៅតាមការសិក្សាស្រាវជ្រាវបានឲ្យដឹង បើប្តីប្រពន្ធណាដែលចង់មានកូនគួរតែកាត់បន្ថយទម្លាប់ទទួលទានគ្រឿងស្រវឹងនេះចោលទៅ។

ជាទូទៅស្រ្តីគឺជាអ្នកមានផ្ទៃពោះ ប៉ុប្តែបើគ្មានមេជីវិតពីបុរសទេនោះស្រ្តីក៏មិនអាចពពោះបានដែរ។ គ្រឿងស្រវឹង និងមេជីវិតរបស់បុសគឺជាសត្រូវនឹងគ្នា ហើយការផឹកស្រាលើសកំណត់នោះគឺធ្វើឲ្យមេេជីវិតបុរសស្លាប់តែម្ដង។

ការផឹកស្រាប៉ះពាល់ដល់ការបង្កើតអ័រម៉ូន តេស្តូស្តេរ៉ូន។ ដោយសារអ័រម៉ូនតេស្តូស្តេរ៉ូនមានសារៈសំខាន់ចំពោះការបង្កើតមេជីវិតឈ្មោលណាស់។ គ្រោះថ្នាក់នៃអ័រម៉ូននេះអាចនាំអោយធ្លាក់ចុះនូវចំនួនមេជីវិតឈ្មោល ខណៈពេលដែលការបង្កើតមេជីវិតឈ្មោលរបស់រាងកាយអ្នកថយចុះ ហើយមេជីវិតឈ្មោលដែលអ្នកបានធ្វើក៏ត្រូវបានធ្វើឱ្យខូចផងដែរ។

ជាតិអាល់កុលគឺមានការប៉ះពាល់ខ្លាំងណាស់ ព្រោះវាមានសារធាតុពុលដែលកោសិកាត្រូវឆ្លងកាត់។ ដូចដែលយើងបានបញ្ជាក់ពេលថ្មីៗនេះ មេជីវិតឈ្មោលគឺជាកោសិកាដែលអាចទទួលឥទ្ធិពលអាក្រក់បំផុតដោយថ្នាំពុលដែលបានមកពីការផឹកស្រានេះតែម្ដង។

សម្រាប់បុរសខ្លះអាចនឹងពិបាកកែទម្លាប់ផឹកនេះបាន ប៉ុន្តែបើអ្នកមានគម្រោងចង់បានកូននោះ អ្នកត្រូវតែឈប់ផឹកស្រាឲ្យបានមួយរយៈធំសិន បើមិនអីចឹងទេអ័រម៉ូន តេស្តូស្តេរ៉ូននឹងមិនអាចមានលទ្ធភាពផលិតមេជិវិតដ៏ល្អសម្រាប់បង្កកំណើតឡើយ៕

ប្រភព៖ womansbeautyextra ប្រែសម្រួល៖ ផេង ផលធិតា